కొలంబియాలో భారీ వర్షాలు
Colombia Mudslide: పశ్చిమ కొలంబియాలో భారీ వర్షాలు బీభత్సం సృష్టించాయి. పెరరీ ప్రాంతంలో కొండచరియలు విరిగిపడడం కారణంగా అక్కడ ఉన్న నివాస ప్రాంతాలను బురద ముంచెత్తింది. బురదలో కూరుకుపోయి 14 మంది చనిపోయారని అధికారులు తెలిపారు. ఒకరి ఆచూకీ గల్లంతైనట్లు వెల్లడించారు. ఈ ప్రమాదంలో మరో 35 మంది తీవ్రంగా గాయపడ్డారని, క్షతగాత్రులను స్థానిక ఆసుపత్రులకు తరలించినట్లు చెప్పారు.
ఈ ప్రాంతంలో కొండచరియలు విరిగిపడే ప్రమాదం ఇంకా ఉందని చెప్తున్నారు అధికారులు. మరింత ప్రాణ నష్టం జరగకుండా ఉండేందుకు ప్రజలు ఆ ప్రాంతాన్ని విడిచి వెళ్లిపోవాలని సూచించారు. జరిగిన నష్టాన్ని అధికారులు అంచనా వేస్తున్నారు. ప్రమాదం జరిగిన ప్రాంతాల్లో సహాయక చర్యలు చేపట్టారు.