అమెరికన్లను నిరుద్యోగ భయం వెంటాడుతోంది. గత వారం.. 10లక్షలకుపైగా మంది అమెరికన్లు నిరుద్యోగ భృతికి దరఖాస్తు చేసుకున్నారు. కరోనా సంక్షోభం నుంచి ఆర్థిక వ్యవస్థ కోలుకుంటున్నప్పటికీ.. ఇంత భారీ స్థాయిలో దరఖాస్తులు అందుతుండటం అక్కడి అధికారులను ఆందోళనకు గురిచేస్తోంది.
కరోనా సంక్షోభానికి ముందు పరిస్థితులు కొంతమేర అదుపులో ఉండేవి. సహాయం కోసం దరఖాస్తు చేసుకునే వారి సంఖ్య ఒక్కవారంలో 7లక్షలు దాటేది కాది. కానీ కరోనా వల్ల ఉద్యోగాలు కోల్పోయిన నేపథ్యంలో ఈ ఏడాది మార్చి నుంచి చాలా వారాల పాటు దరఖాస్తుల సంఖ్య 10లక్షలు దాటిందని అగ్రరాజ్య కార్మికశాఖ వెల్లడించింది.