మోదీ చేతికి హ్యూస్టన్ నగర తాళం

హౌడీ మోదీ కార్యక్రమ వేదిక వద్దకు చేరుకున్న ప్రధాని నరేంద్రమోదీకి ఘన స్వాగతం లభించింది. భారత్​-అమెరికా బంధానికి గుర్తుగా... హ్యూస్టన్​ తాళాన్ని మోదీకి అందించారు నగర మేయర్ సిల్వస్టర్​ టర్నర్.

ప్రపంచ ఇంధన రాజధానిగా చెప్పే హ్యూస్టన్ నగర తాళం... ప్రధాని నరేంద్రమోదీ చేతికి అందింది. ఆ నగర మేయర్​ సిల్వస్టర్​ టర్నర్​ స్వయంగా హ్యూస్టన్​ తాళాన్ని నరేంద్రుడికి అందజేశారు.

టెక్సాస్​ హ్యూస్టన్​లోని ఎన్​ఆర్​జీ స్టేడియంలో జరుగుతున్న హౌడీ మోదీ కార్యక్రమానికి అమెరికా కాంగ్రెస్​ చట్టసభ్యులతోపాటు నగర మేయర్​ ప్రత్యేక అతిథులుగా హాజరయ్యారు.

మోదీకి హ్యూస్టన్ నగర ప్రజల తరఫున టర్నర్ సాదర స్వాగతం పలికారు. ఇంధన రంగంలో కలిసి పనిచేయడానికి ఉన్న అవకాశాల్ని అందిపుచ్చుకోవాలని సూచిస్తూ... ఇలా తాళాన్ని మోదీ చేతికి అందించారు.

"హ్యూస్టన్​లో మేము 140కిపైగా భాషల్లో హౌడీ అంటాము. ఇప్పుడు మోదీతో హౌడీ అని చెబుతున్నాము."
-సిల్వస్టర్ టర్నర్, హ్యూస్టన్​ మేయర్.