'భారత్'​ను పరిశోధించిన 1000 మంది ఎంఐటీ విద్యార్థులు

20 ఏళ్ల కాలంలో పరిశోధనల నిమిత్తం వెయ్యి మందికిపైగా విద్యార్థులను భారత్​కు పంపినట్లు మసాచుసెట్స్ ఇన్​స్టిట్యూట్​ ఆఫ్ టెక్నాలజీ తెలిపింది. అమెరికాలో జరిగిన 'భారత్​-ఎంఐటీ' కార్యక్రమంలో భాగంగా ఈ విషయాన్ని తెలిపారు విశ్వవిద్యాలయ ప్రొఫెసర్​ పవన్​ సిన్హా.

అమెరికాలోని ప్రఖ్యాత మసాచుసెట్స్ ఇన్​స్టిట్యూట్​ ఆఫ్ టెక్నాలజీ(ఎంఐటీ).. పరిశోధనల కోసం భారత్​పై ఎక్కువగా దృష్టి పెట్టినట్లు తెలిపింది. పరిశోధనల నిమిత్తం 20 ఏళ్ల కాలంలోభారత్​కు 1000 మందికి పైగా విద్యార్థులను పంపినట్లు ఎంఐటీ ప్రొఫెసర్ వెల్లడించారు.

వాషింగ్టన్​లో భారత రాయబారి కార్యాలయం, ఎంఐటీ క్లబ్​ ఆధ్వర్యంలో జరిగిన 'ఎంఐటీ-భారత్'​ కార్యక్రమంలో ఈ విషయాన్ని తెలిపారు.

"దేశాభివృద్ధిలో భాగంగా పరిశోధనలు, సాంకేతికత, నూతన ఆవిష్కరణలు చేయడానికి విద్యార్థులు, పరిశోధకులు, అధ్యాపకుల బృందాలకుభారత్ అవకాశాన్ని కల్పిస్తుంది. ఈ అవకాశంతో భారత​ సంస్కృతి, చరిత్రను తెలుసుకోవడానికి ఉపయోగపడుతుంది. ఇందుకు ప్రపంచ మేటి కంపెనీలు, విశ్వవిద్యాలయాలు, లాభాపేక్ష లేని ప్రభుత్వేతర సంస్థలు సాయంగా నిలిచాయి."

-పవన్​ సిన్హా, ఎంఐటీ ప్రొఫెసర్​

ఈ విధమైన పరిశోధనలు పర్యటనలతో విద్యార్థుల ఆలోచన విధానాలు మారుతాయని జాతీయ జీవరసాయన కేంద్రం ప్రొఫెసర్​ షానన్​ బి ఒల్సన్​ అన్నారు. వివిధ సంస్కృతులు, నేపథ్యాల నుంచి వచ్చిన విద్యార్థులు కలిసి పనిచేయడానికి ఇది చక్కని వేదిక అని వ్యాఖ్యానించారు.

ఇదీ చూడండి:అయోధ్య కేసు తీర్పు విజయోత్సవాలపై ఆంక్షలు