'భారత్​-చైనా మధ్య తారస్థాయిలో విభేదాలు'

భారత్,​ చైనాల మధ్య ఎన్నడూ లేనంతగా విభేదాలు తలెత్తాయని అమెరికా అడ్మిరల్​ జాన్​ సీ అక్విలినో తెలిపారు. సరిహద్దుల్లో చైనా దుశ్చర్యలు, ఇండో-పసిఫిక్​ ప్రాంతంలో దురాక్రమణలు.. డ్రాగన్​ను భారత్​ నమ్మకుండా చేశాయని వెల్లడించారు. అదే సమయంలో అమెరికా- భారత్​ మధ్య సైనిక సంబంధాలు ఎన్నడూ లేనంతగా బలపడ్డాయని వ్యాఖ్యానించారు.

చైనా-భారత్​ మధ్య విభేదాలు ఎన్నడూ లేనంతగా ఎక్కువయ్యాయని అమెరికా అడ్మిరల్​ జాన్​ సీ అక్విలినో అన్నారు. అదే సమయంలో అమెరికా- భారత్ మధ్య సైనిక సంబంధాలు బాగా బలపడ్డాయని తెలిపారు. చెనా దుశ్చర్యలు, నకీలీ పనులు, అది చేసే పనుల్లో పారదర్శకత లోపించడం.. వాస్తవాధీన రేఖ వద్ద ఘర్షణ తదితర కారణాల వల్లనే భారత్​.. డ్రాగన్​ దేశాన్ని నమ్మడం లేదని అన్నారు. సరిహద్దులో చైనా దురాక్రమనను భారత్​ అడ్డుకున్న తీరును ప్రశంసించారు.

అంతేకాకుండా చైనా 'వన్​ బెల్ట్​ వన్​ రోడ్డు' పట్ల భారత్​ అనుమానాన్ని వ్యక్తం చేస్తోందన్నారు. చైనా.. భారత్​కే కాదు.. ఆసియా పసిఫిక్​ ప్రాంతానికి ముప్పుగా పరిణమించిందని చెప్పారు. ఇండో- పసిఫిక్​ ప్రాంతంలో శాంతి సుస్థిరతే అమెరికా లక్ష్యం అని తెలిపారు. ఈ ప్రాంతంలో శాంతి నెలకొల్పాలంటే భారత్- అమెరికాల మధ్య బంధం ఇలానే కొనసాగాలన్నారు. చైనా దుందుడుకు చర్యల గురించి సెనేట్​ ఆర్మ్​డ్​ సర్వీస్​ కమిలో సభ్యుడు అడిగిన ప్రశ్నకు అక్విలినో ఈ విధంగా సమాధాన మిచ్చారు.

ఇదీ చదవండి:బలగాల ఉపసంహరణపై చర్చలకు అమెరికా, ఇరాక్​ సై