Masud Khan Pak Envoy To America: అమెరికాలో పాక్ రాయబారిగా మసూద్ ఖాన్ నియామకాన్ని తిరస్కరించాలని భారతీయ అమెరికన్ల ఉన్నత స్థాయి బృందం అధ్యక్షుడు జో బైడెన్కు విజ్ఞప్తి చేసింది. మసూద్ ఖాన్ ఉగ్రవాద గ్రూపుల సానుభూతిపరుడిగా పేర్కొంది.
పాక్ దౌత్యవేత్త మసూద్ ఖాన్ ఉగ్రవాద గ్రూపులకు సానుభూతిపరుడని, మద్దతుదారుడని భారత ఉన్నతస్థాయి బృందం ఆరోపించింది.
"మసూద్ఖాన్ నియామకాన్ని తిరస్కరించాలని అమెరికా విదేశాంగ మంత్రి ఆంటోనీ బ్లింకెన్‌, విదేశీ వ్యవహారాల హౌస్‌ కమిటీ, సెనెట్‌ సభ్యులను కోరాం."
-- భారతీయ అమెరికన్ల ఉన్నతస్థాయి బృందం
లేడీ అల్‌ఖైదా అఫియా సిద్ధిఖీ, ఉగ్రవాద గ్రూపులు హిజ్బుల్‌ ముజాహిదీన్‌, హర్కత్ ఉల్ ముజాహిదీన్‌, జమాతే ఇస్లామీ పట్ల సానుకూల వైఖరి ప్రదర్శించినట్లు భారత ఉన్నతస్థాయి బృందం ఆందోళన వ్యక్తం చేసింది.