'కొవిడ్​పైనే తొలి యుద్ధం- వైరస్​ను కట్టడి చేస్తాం'

07:21 November 08

• ప్రస్తుత కరోనా విపత్కర పరిస్థితుల్లో ముందుకొచ్చి గెలిపించిన వారందరికీ కృతజ్ఞతలు: బైడెన్
• ఎన్నికల్లో ఓడిన ట్రంప్ నాకు శత్రువేమీ కాదు: బైడెన్
• అమెరికా అభివృద్ధి కోసం కలిసి పనిచేయడానికి సిద్ధం: బైడెన్
• కరోనా నియంత్రణకు అన్ని చర్యలు తీసుకుంటాం: బైడెన్
• అమెరికాలోని ప్రతి కుటుంబ ఆరోగ్య పరిరక్షణకు కట్టుబడి ఉన్నాం: బైడెన్
• దేశంలోని ప్రజలందరి ప్రయోజనాల కోసం పనిచేస్తాం: బైడెన్
• దేశాభివృద్ధి కోసం అహర్నిశలు కృషిచేస్తా: బైడెన్

07:16 November 08

• అమెరికా ప్రతిష్ఠను ఇనుమడింపజేసేందుకు పనిచేస్తాం: బైడెన్
• అధ్యక్ష ఎన్నికల్లో తనకు సహకరించిన అందరికీ కృతజ్ఞతలు: బైడెన్
• ఉపాధ్యక్ష పదవికి ఎన్నికైన కమలా హారిస్ అద్భుత నాయకురాలు: బైడెన్
• దేశ ప్రజలు ఆశిస్తున్న పాలనను అందించేందుకు సహకరిస్తారు: బైడెన్

07:13 November 08

• డెమొక్రాట్ల విజయోత్సవ సభలో బైడెన్ ప్రసంగం
• అధ్యక్ష ఎన్నికల్లో నా గెలుపు అమెరికన్ల విజయం: బైడెన్
• అమెరికన్లు తమ భవిష్యత్తు కోసం ఓటు వేశారు: బైడెన్

07:11 November 08

• అధ్యక్ష ఎన్నికల్లో గెలిచిన తర్వాత డెమొక్రాట్ల తొలి సభ
• మొదటి సభలో ప్రసంగించిన ఉపాధ్యక్షురాలిగా ఎన్నికైన కమలా హారిస్
• బైడెన్ సొంతరాష్ట్రం డెలావర్‌లోని వెల్మింగ్టన్‌లో డెమొక్రాట్ల సభ
• ఉపాధ్యక్ష ఎన్నికల్లో నా విజయం మహిళాలోకం విజయం: కమలా హారిస్
• అమెరికా మహిళలు తమ ప్రాథమిక హక్కుల పరిరక్షణ కోసమే ఈ తీర్పు ఇచ్చారు: కమలా హారిస్
• ఉపాధ్యక్ష పదవికి ఎన్నికైన తొలి మహిళను కావొచ్చు.. కానీ చివరి మహిళను కాను: కమలా హారిస్
• అధ్యక్ష పదవికి ఎన్నికైన బైడెన్ నిరంతరం అమెరికన్ల క్షేమం కోసమే ఆలోచిస్తారు: కమలా హారిస్
• బైడెన్ అమెరికాను సురక్షితంగా ఉంచగలరని నాకు విశ్వాసం ఉంది: కమలా హారిస్

07:07 November 08

ఉపాధ్యక్షురాలిగా గెలిచిన డెమొక్రాట్​ అభ్యర్థి కమలా హారిస్​ మద్దతుదారులను ఉద్దేశించి ప్రసంగిస్తున్నారు. ప్రజాస్వామ్యాన్ని పరిరక్షించడంలో ఎంతో శ్రమ ఉందని అయితే అందులో ఆనందం కూడా ఉందన్నారు. మంచి భవిష్యత్తును నిర్మిస్తామని హామీ ఇచ్చారు.

00:48 November 08

బైడెన్​, హారిస్​ విజయంపై కాంగ్రెస్​ అధినేత్రి సోనియా గాంధీ హర్షం వ్యక్తం చేశారు. కాంగ్రెస్​ తరఫున ఇరువురికి శుభాకాంక్షలు తెలిపారు. బైడెన్​ నాయకత్వంలో భారత్​-అమెరికా బంధం మరింత బలోపేతమవుతుందని ఆశాభావం వ్యక్తం చేశారు.

00:39 November 08

గర్వంగా ఉంది...

ఉపాధ్యక్షురాలిగా గెలిచిన కమలా హారిస్​కు మోదీ శుభాకాంక్షలు తెలిపారు. భారతీయ అమెరికన్లకు హారిస్​ విజయం గర్వకారణమన్నారు.

00:35 November 08

మోదీ శుభాకాంక్షలు...

అమెరికా అధ్యక్షుడిగా గెలిచిన జో బైడెన్​కు ప్రధాని నరేంద్ర మోదీ శుభాకాంక్షలు తెలిపారు. భారత్​-అమెరికా బంధాన్ని మరోస్థాయికి తీసుకెళ్లేందుకు బైడెన్​తో కలిసి పనిచేసేందుకు ఆసక్తిగా ఎదురుచూస్తున్నట్లు పేర్కొన్నారు. 

22:44 November 07

పని మొదలుపెడదామా?

డెమొక్రాట్ల విజయం అనంతరం ట్విట్టర్​లో స్పందించారు ఉపాధ్యక్ష అభ్యర్థి కమలా హారిస్​. ఈ ఎన్నిక తన గురించి, బైడెన్​ గురించి కాదని.. ఇది అమెరికా ఆత్మగౌరవానికి సంబంధించిన విషయమని పేర్కొన్నారు. ముందుముందు చేయాల్సిన పని చాలా ఉంది.. రంగంలోకి వెంటనే దిగాలని తెలిపారు.

22:36 November 07

'నేను అమెరికన్లందరికి అధ్యక్షుడిని'

పెన్సిల్వేనియాలో విజయం సాధించిన కొద్ది సేపటికి.. అమెరికన్లందరికి ట్విట్టర్​ వేదికగా ధన్యవాదాలు తేలిపారు జో బైడెన్​. అధ్యక్షుడిగా రానున్న రోజుల్లో తాను చేయాల్సిన పనులు కష్టంగా ఉంటాయని పేర్కొన్నారు బైడన్​. అయితే తనకు ఓటు వేసినా, వేయకపోయినా.. తాను మాత్రం అమెరికన్లందరికీ అధ్యక్షుడిగా ఉంటానని, తన మీద పెట్టుకున్న నమ్మకాన్ని వమ్ముచేయనని తెలిపారు.

22:20 November 07

అధ్యక్ష పోరు: జో బైడెన్​కే 'అగ్రరాజ్య' పగ్గాలు

ఉత్కంఠకు తెరపడింది. అగ్రరాజ్య అధ్యక్ష పీఠాన్ని డెమొక్రటిక్​ పార్టీ అభ్యర్థి జో బైడెన్​ దక్కించుకున్నారు. స్వింగ్​ స్టేట్స్​లో కీలకమైన పెన్సిల్వేనియాలో నెగ్గిన బైడెన్​.. మ్యాజికల్​ ఫిగర్​ 270ని దాటారు. ఈ మేరకు అమెరికా వార్తాసంస్థలు కథనాలు ప్రచురించాయి. అయితే దీనిపై అధికారిక ప్రకటన రావాల్సి ఉంది.