విదేశాల్లో కీలక పదవుల్లో 200 మంది భారతీయులు!

15 దేశాల్లో ఉన్నత స్థాయిలో కీలక పదవుల్లో ఉన్న ప్రవాస భారతీయుల పూర్తి వివరాలను వెల్లడించనున్నట్లు అమెరికా సంస్థ ఇండియాస్పొరా పేర్కొంది. ఫిబ్రవరి 15న 'అమెరికా ప్రెసిడెంట్స్​ డే' సందర్భంగా ఈ జాబితాను విడుదల చేస్తున్నట్లు వెల్లడించింది.

ప్రపంచవ్యాప్తంగా 550 మిలియన్ల ప్రవాస భారతీయుల్లో 200ల మందికిపైగా ఉన్నత స్థాయిల్లో కీలక పదవుల్లో ఉన్న వారి జాబితా విడుదల కానుంది. వివిధ రంగాల్లో ఉన్న నాయకుల ఘనతలను చాటి చెప్పేందుకు ఈ జాబితా ఉపయోగపడనుంది. సోమవారం(ఫిబ్రవరి 15)న 'అమెరికా ప్రెసిడెంట్స్​ డే' సందర్భంగా తొలిసారి 15 దేశాల్లో కీలక పదవుల్లో ఉన్న ప్రవాస భారతీయుల జాబితాను విడుదల చేయనుంది ఇండియాస్పొరా సంస్థ.

అగ్రరాజ్యం ఉపాధ్యక్ష పదవి చేపట్టిన భారత సంతతి మహిళ కమలా హారిస్ ఈ జాబితాలో​ చేరడం విశేషం. ఇందులో సివిల్​ సర్వెంట్స్​ సహా కీలక పదవుల్లో ఉన్న వారి వివరాలు కూడా ఉన్నాయి.

ఉన్నతస్థాయిలో ఉన్న భారతీయుల ఘనతను చాటాలే ఉన్న ఈ జాబితాను విడుదల చేస్తుండటం ఆనందంగా ఉందని ఇండియాస్పొరా సంస్థ వ్యవస్థాపకుడు ఎం ఆర్ రంగస్వామి అన్నారు. ఈ వివరాలు.. రానున్న తరాలకు ప్రేరణగా మారాలని కోరుకుంటున్నట్లు తెలిపారు.

ఇదీ చదవండి:చైనాలో స్ప్రింగ్​ ఫెస్టివల్​- వీధులన్నీ కలర్​ఫుల్​