'కమల తర్వాత పుట్టిన రోజు శ్వేతసౌధంలో జరగాలి '

అమెరికా ఉపాధ్యక్ష పదవికి పోటీ చేస్తున్న కమలా హ్యారిస్ 56 వసంతంలోకి అడుగుపెట్టారు. ఈ సందర్భంగా హ్యారీస్​కు.. అధ్యక్ష అభ్యర్థి జో బైడెన్​ సహా పలువురు పుట్టిన రోజు శుభాకాంక్షలు తెలిపారు.

అమెరికా ఎన్నికల్లో డెమోక్రటిక్​ పార్టీ తరఫున ఉపాధ్యక్ష పదవికి పోటీ చేస్తున్న కమలా హ్యారిస్​ 56 వసంతంలోకి అడుగు పెట్టారు. ఈ సందర్భంగా జన్మదిన శుభాకాంక్షలు తెలిపిన అధ్యక్ష అభ్యర్థి జో బైడెన్... కమల తర్వాత పుట్టిన రోజు వేడుకలను ​శ్వేతసౌధంలో జరుపుకోవాలని ఆకాంక్షించారు. ఈ మేరకు గతంలో తీసుకున్న ఫొటోను తన ట్వీట్​కు జత చేశారు బైడెన్​. మాజీ విదేశాంగ కార్యదర్శి హిల్లరీ క్లింటన్​ కూడా హారిస్​కు పుట్టినరోజు శుభాకాంక్షలు తెలిపారు.

'అక్టోబర్​ 20 ఎంతో ప్రత్యేకమైన రోజు. జరగబోయే అధ్యక్ష ఎన్నికల్లో అందరూ ఓటు వేయాలని కోరుతున్నాను' అంటూ ట్వీట్​ చేశారు హారిస్​.

ఇదీ చూడండి:ప్రథమ చికిత్సే పరమ ఔషధం