'గోడనిర్మాణానికి సైనిక నిధులు వాడొద్దు'

అమెరికా-మెక్సికో సరిహద్దు గోడ నిర్మాణానికి సైనిక నిధులు వాడుకోవద్దని అధ్యక్షుడు ట్రంప్​కు ఫెడరల్ కోర్డు స్పష్టం చేసింది. ఇదే అంశంపై దాఖలైన రెండు వేరు వేరు పిటీషన్లపై స్థానిక కోర్టు తీర్పు వెల్లడించింది.

అమెరికా-మెక్సికో మధ్య సరిహద్దు గోడను నిర్మించాలన్న అమెరికా అధ్యక్షుడు డోనాల్డ్ ట్రంప్​ ప్రయత్నానికి ఓక్లాండ్​ కోర్టు అడ్డుకట్ట వేసింది. గోడ నిర్మాణం కోసం సైనిక నిధుల నుంచి 250 కోట్ల డాలర్లు ఉపయోగించుకోవలన్న ట్రంప్ ప్రతిపాదనను తోసిపుచ్చుతూ కోర్టు తీర్పునిచ్చింది.

కొంత మంది సామాజిక కార్యకర్తలు దాఖలు చేసిన పిటీషన్​పై చేపట్టిన విచారణ ఆధారంగా తీర్పునిచ్చారు ఫెడరల్ కోర్టు న్యాయమూర్తి హేవుడ్​ ఎస్​.గిలియం జూనియర్.

ఇదే అంశంపై అమెరికా సివిల్ లిబర్టీస్ యూనియన్​ వేసిన వ్యాజ్యంపైనా తీర్పునిచ్చింది కోర్టు. ఈ తీర్పులో అమెరికా-మెక్సికో గోడ నిర్మాణం చట్టవిరుద్ధమని తేల్చి చెప్పిన కోర్టు... గోడ నిర్మాణానికి పర్వావరణ అనుమతులనూ తిరస్కరించింది. గోడను నిర్మిస్తే పలు రకాల జీవులు ప్రమాదాల బారిన పడే అవకాశం ఉందని పేర్కొంది.

ఇదీ చూడండి: సరిహద్దులో 'కిమ్'​కు హాయ్​ చెప్తా : ట్రంప్​