చైనాతో సరిహద్దు వివాదం విషయంలో భారత్ దీటుగా బదులిచ్చిందని అమెరికా విదేశాంగ మంత్రి మైక్ పాంపియో ప్రశంసించారు. చైనా దుందుడుకు చర్యలకు సరైన రీతిలో స్పందించిందని అన్నారు. చైనా ప్రాదేశిక వివాదాలను కావాలని సృష్టిస్తోందని.. ఇందుకు ప్రపంచం అనుమతించకూడదని సూచించారు.
చైనా సరిహద్దుల విస్తరణకు సంబంధించి అడిగిన ప్రశ్నకు ఈ విధంగా సమాధానమిచ్చారు పాంపియో.
"గత నెలలో గల్వాన్ ఘటన గురించి భారత్ విదేశాంగ మంత్రి జైశంకర్‌తో పలుమార్లు మాట్లాడాను. సరిహద్దులో చైనా చాలా దూకుడుగా వ్యవహరించింది. భారత్ కూడా దీటుగానే బదులిచ్చింది.
త్వరలోనే షీ జిన్‌పింగ్ పార్టీ నుంచి పొంచి ఉన్న ముప్పును ప్రపంచం అర్థం చేసుకుంటుందని తనకు గట్టి నమ్మకం ఉంది. చైనా ఒంటరి అవుతుంది. అలానే చైనా చర్యలకు సరైన రీతిలో స్పందించేందుకు అన్ని దేశాలూ కలిసి వస్తాయని భావిస్తున్నాం."
- మైక్ పాంపియో, అమెరికా విదేశాంగ మంత్రి