ఐరాసలో మారని పాక్​ తీరు- చురకలంటించిన భారత్​

దాయాది పాకిస్థాన్​ అదే వక్రబుద్ధి చూపిస్తోంది. ఐక్యరాజ్యసమితి భద్రతా మండలి(యూఎన్​ఎస్​సీ) వేదికగా (India UNSC Pakistan) మరోసారి కశ్మీర్​ అంశాన్ని లేవనెత్తింది. దీనిని తీవ్రంగా తప్పుబట్టిన భారత్ (India slams pakistan)​.. కశ్మీర్​లో ఆక్రమించుకున్న ప్రాంతాలను తక్షణమే ఖాళీ చేయాలని పాక్​ను(India slams Pakistan at UNSC) హెచ్చరించింది.

ఐక్యరాజ్యసమితి భద్రతా మండలి (India UNSC Pakistan) వేదికగా పాకిస్థాన్​కు మరోసారి చురకలు (India slams Pakistan at UNSC) అంటించింది భారత్​. తాజాగా జరిగిన సమావేశంలో.. మరోసారి కశ్మీర్​ అంశాన్ని లేవనెత్తిన పాక్​ను తీవ్రంగా తప్పుబట్టింది. ఐరాస వేదికగా పాక్​.. భారత్​పై ద్వేషపూరిత ప్రచారం చేస్తోందని దుయ్యబట్టింది. ఇవన్నీ మానుకొని తక్షణమే కశ్మీర్​లో ఆక్రమించుకున్న ప్రాంతాలను పాక్ ఖాళీ చేయాలని స్పష్టం చేశారు ఐరాసలో భారత శాశ్వత కమిషన్​ కౌన్సెలర్​ డా. కాజల్​ భట్​.

''కేంద్రపాలిత ప్రాంతాలైన జమ్ముకశ్మీర్​, లద్దాఖ్ మొత్తం భారత్​లో ఇప్పటికీ, ఎప్పటికీ అంతర్భాగమే. ఇది విడదీయరానిది. పాకిస్థాన్​ ఆక్రమించుకున్న ప్రాంతాలు కూడా ఇందులోకే వస్తాయి. అందుకే తక్షణమే.. పాకిస్థాన్​ ఆ ప్రాంతాలను ఖాళీ చేయాలి.''

- డా. కాజల్​ భట్​

పాకిస్థాన్​ చేసిన పనికిమాలిన వ్యాఖ్యల (India slams pakistan) వల్ల తాను మరోసారి మాట్లాడవలసి వచ్చిందని అన్నారు భట్​. ఐరాస వంటి అంతర్జాతీయ వేదికలను పాక్​.. భారత్​పై దుష్ప్రచారం చేసేందుకే వాడుకుంటున్నాయని ఆమె ఆరోపించారు.

ఉగ్ర అడ్డా పాక్​..

ఉగ్రవాదులకు ఆశ్రయం కల్పించడం, సహాయం చేయడం, చురుగ్గా మద్దతు ఇవ్వడం.. పాక్​ ఎప్పటినుంచో చేస్తుందని ప్రపంచ దేశాలకు (UNSC members) తెలుసునని భట్​ ఉద్ఘాటించారు.

''ఉగ్రవాదులకు బహిర్గతంగా మద్దతు ఇవ్వడం, శిక్షణ ఇవ్వడం, నిధులు అందజేయడం, ఆయుధాలు అందించడం చేస్తుందని.. పాకిస్థాన్​కు ప్రపంచవ్యాప్తంగా గుర్తింపు ఉంది. యూఎన్​ఎస్​సీ నిషేధించిన ఉగ్రవాదుల జాబితాలో ఎక్కువమందికి ఆశ్రయం కల్పించిన ఘనత ఆ దేశానిదే.''

- డా. కాజల్​ భట్​.

భారత్​ ఎప్పుడూ పాక్ (India slams Pakistan at UNSC)​ సహా ఇతర దేశాలతో మెరుగైన సంబంధాలనే కోరుకుంటుందని.. సమస్యలను ద్వైపాక్షికంగా, శాంతియుతంగానే పరిష్కరించుకుంటుందని స్పష్టం చేశారు.

ఇవీ చూడండి: Taliban News: 'భారత్​తో సత్సంబంధాలే కోరుకుంటున్నాం'