త్వరలోనే మరో రూపంలో అమెరికా ప్రజల ముందుకు వస్తానని ఆ దేశ అధ్యక్షుడు డొనాల్డ్ ట్రంప్ అన్నారు. కుటుంబంతో సహ వైట్‌హౌజ్‌కు వీడ్కోలు పలికిన ట్రంప్.. జాయింట్‌ ఎయిర్‌ఫోర్స్‌ బేస్‌ ఆండ్రూస్‌లో మద్దతుదారులనుద్దేశించి ప్రసగించారు.
అమెరికాకు అధ్యక్షుడిగా వ్యవహరించడం తన అదృష్టమన్న ట్రంప్.. దేశ ప్రజల కోసం తన పోరాటాన్ని కొనసాగిస్తానన్నారు. అమెరికా ప్రజలకు కృతజ్ఞతలు తెలిపారు. ఇది దీర్ఘకాలిక వీడ్కోలు కాకూడదని ఆశిస్తున్నట్లు పేర్కొన్నారు. అంతకుముందు శ్వేతసౌధాన్ని ఖాళీ చేసిన ట్రంప్.. మిలటరీ హెలికాఫ్టర్‌లో జాయింట్‌ ఎయిర్‌ఫోర్స్‌ స్థావరం ఆండ్రూస్‌కి చేరుకున్నారు. అక్కడ ప్రసంగం పూర్తైన తర్వాత ఫ్లోరిడా బయలుదేరారు.