Houston Shooting: అమెరికాలో టెక్సాస్ రాష్ట్రంలో కాల్పులు కలకలం సృష్టించాయి. హ్యూస్టన్ సమీపంలో కొవ్వొత్తుల ప్రదర్శన సందర్భంగా జరిగిన కాల్పుల్లో ఒకరు మృతి చెందారు. 13 మంది తీవ్రంగా గాయపడ్డారు. క్షతగాత్రుల్లో ఓ చిన్నారి కూడా ఉన్నట్లు తెలుస్తోంది.
హ్యూస్టన్‌కు 25 మైళ్ల దూరంలో ఉన్న బెటౌన్‌లోని నార్త్ మార్కెట్ లూప్ సమీపంలో వేడుక కోసం 50 మంది ప్రజలు గుమిగూడారు. వారిపై దుండగులు విచక్షణా రహితంగా కాల్పులు జరిపారు. భయాందోళనకు గురైన ప్రజలు పరుగులు పెట్టారు. ఈ ఘటనలో గాయపడినవారిని పోలీసులు ఆసుపత్రికి తరలించారు. దుండగుల కోసం గాలింపు చర్యలు చేపట్టారు.