ట్రంప్​ నోరు మూసుకుంటే మంచిది: పోలీస్ బాస్

అమెరికా అధ్యక్షుడు డొనాల్డ్​ ట్రంప్​.. తన మాటలను అదుపులో పెట్టుకోవాలని సూచించారు హ్యూస్టన్​ పోలీస్​ చీఫ్​. జార్జ్​ ఫ్లాయిడ్​ మరణానికి వ్యతిరేకంగా సాగుతున్న నిరసనలను అదుపుచేసేందుకు సాయుధ బలగాలను దింపుతానని ట్రంప్​ చేసిన వ్యాఖ్యలపై ఈ మేరకు స్పందించారు.

అమెరికాలో నల్లజాతీయుడు జార్జ్​ ఫ్లాయిడ్​ మరణానికి వ్యతిరేకంగా జరుగుతున్న నిరసనలురోజురోజుకు తీవ్రరూపం దాల్చుతున్నాయి. వీటికి తోడు అగ్రరాజ్య అధ్యక్షుడు డొనాల్డ్​ ట్రంప్​ వైఖరి.. అగ్నికి ఆజ్యం పోస్తున్నట్టుగా మారుతోంది. ఈ నేపథ్యంలో హ్యూస్టన్​ నగర పోలీస్​ విభాగం సారథి...​ ట్రంప్​పై బహిరంగంగా తన అసహనాన్ని వ్యక్తం చేశారు. ట్రంప్​.. తన మాటలను అదుపులో పెట్టుకోవాలని హెచ్చరించారు.

"అమెరికా పోలీసు అధికారుల తరఫున అధ్యక్షుడికి నేను ఒక మాట చెప్తున్నా. ట్రంప్​.. మీ దగ్గర చెప్పడానికి నిర్మాణాత్మకంగా ఏమీ లేకపోతే.. మీ మాట్లాడడం ఆపండి."

-- ఆర్ట్​ అసివిడో, హ్యూస్టన్​ పోలీస్​ చీఫ్​.

అమెరికావ్యాప్తంగా చెలరేగుతున్న నిరసనలకు కారణం బలహీనులైన గవర్నర్లని.. ఆందోళలను అదుపుచేయడానికి తాను వేలాది మంది సాయుధ బలగాలను రంగంలోకి దించుతానని ట్రంప్​ హెచ్చరించారు. ఈ నేపథ్యంలోనే అసివిడో ఈ వ్యాఖ్యలు చేశారు. ఈ సమయంలో ఆధిపత్యాన్ని ప్రదర్శించకూడదని, ప్రజల మనసులను గెలుచుకోవాలని హితవు పలికారు.