కరోనా నేపథ్యంలో ఆర్థికంగా నష్టపోయిన అమెరికా ప్రజలను ఆదుకునేందుకు 1.9 ట్రిలియన్ డాలర్ల భారీ ఆర్థిక ప్యాకేజీని ప్రకటించిన జో బైడెన్ ప్రభుత్వం.. దాని అమలు దిశగా కీలక ముందడుగు వేసింది. ఈ ప్యాకేజీకి సంబంధించిన బిల్లుకు అమెరికా ప్రతినిధుల సభ ఆమోదం తెలిపింది.
బిల్లుపై శక్రవారం అర్ధరాత్రి వరకు చర్చ జరిపిన అనంతరం ఓటింగ్‌ నిర్వహించారు. ప్రతినిధుల సభ దీనిని 219-212 ఓట్ల తేడాతో ఆమోదించింది. రిపబ్లికన్‌ పార్టీ సభ్యులు సహా డెమొక్రటిక్ పార్టీకి చెందిన ఇద్దరు సభ్యులు కూడా ఈ బిల్లుకు వ్యతిరేకంగా ఓటు వేశారు. త్వరలో.. ఈ బిల్లును సెనేట్ ఆమోదం కోసం పంపనున్నారు.