అమెరికాలో ఘోర ప్రమాదం-15 మంది మృతి

అమెరికా దక్షిణ​ కాలిఫోర్నియాలో ఘోర రోడ్డు ప్రమాదం జరిగింది. ఈ ఘటనలో 15 మంది చనిపోయారు. మరో 12 మందికి గాయాలయ్యాయి.

అమెరికా దక్షిణ​ కాలిఫోర్నియాలో మంగళవారం జరిగిన రోడ్డు ప్రమాదంలో 15 మంది మరణించారు. మరో 12మంది గాయపడ్డారు. ఎస్​యూవీ, ట్రక్కు ఢీకొని ఈ ప్రమాదం సంభవించింది. ఈ ఘటన సమయంలో ఎస్​యూవీ వాహనంలో మొత్తం 27 మంది ఉన్నట్లు అధికారులు తెలిపారు. ప్రమాదంలో క్షతగాత్రులైన వారిని స్థానికంగా ఉండే ఆసుపత్రికి తరలించినట్లు పేర్కొన్నారు.

ఢీకొన్న ట్రక్​, ఎస్​యూవీ

ఘటన జరిగిన ప్రాంతాన్ని పరిశీలిస్తున్న అధికారులు

ఘటన జరిగిన ప్రాంతం అమెరికా, మెక్సికో సరిహద్దుకు 18 కి.మీ దూరంలో ఉన్నట్లు అక్కడి అత్యవసర సేవా విభాగం డైరెక్టర్​ జూడీ క్రజ్​ తెలిపారు. చనిపోయిన వారు వ్యవసాయ కూలీలు అయి ఉంటారని అనుమానిస్తున్నారు.