అమెరికా అలస్కాలో హెలికాప్టర్ కుప్పకూలింది. ఈ ఘటనలో ఐదుగురు మృతిచెందారు. మరొకరు తీవ్రంగా గాయపడ్డారు. కింక్ హిమానీనదం ప్రాంతంలో శనివారం ఈ ప్రమాదం సంభవించినట్లు అధికారులు తెలిపారు.
ఎయిర్‌బస్ ఏఎస్ 350 బీ3 హెలికాప్టర్ కూలినట్లు సమచారం అందుకున్న అధికారులు.. శనివారం రాత్రి 10 గంటల ప్రాంతంలో ఘటనా స్థలానికి చేరుకుని శిథిలాలను తొలగించారు. క్షతగాత్రులను ఆసుపత్రికి తరలించారు. మృతుల ఎవరనేది అధికారులు వెల్లడించలేదు. అయితే వారి కుటుంబ సభ్యులకు సమాచారం అందించినట్లు తెలుస్తోంది.