భవనంపై కూలిన హెలికాప్టర్.. పైలట్​ మృతి

న్యూయార్క్​లోని మ్యాన్​హాట్టన్​లో ఓ భవనంపై హెలికాప్టర్​ కూలిపోయింది. ఈ ప్రమాదంలో పైలట్​ మరణించాడు.

న్యూయార్క్ నగరంలోని మ్యాన్​హాట్టన్​లో ఓ హెలికాప్టర్​ భవనంపై కుప్పకూలింది. నేడు జరిగిన ఈ ఘటనలో పైలట్​ మృతి చెందాడు. వర్షం వల్ల ఆకాశ మార్గం సరిగా కనపడక అత్యవసర ల్యాండింగ్ కోసం పైలట్ ప్రయత్నిస్తుండగా ప్రమాదం జరిగిందని అధికారులు తెలిపారు.

హెలికాప్టర్​ను ఎవరూ కూల్చలేదని, అత్యవసరంగా ఓ భవనంపై దించే ప్రయత్నంలో కుప్పకూలినట్టు ప్రాథమిక దర్యాప్తులో తేలిందని న్యూయార్క్​ గవర్నర్​ అండ్రూ కుమో ప్రకటించారు. ప్రమాద సమయంలో భవనం స్వల్పంగా కంపించినట్టు కొందరు చెప్పారని తెలిపారు.

ఒక్కసారిగా విమానం కూలడం వల్ల భవనంపై మంటలు చెలరేగగా.. అగ్నిమాపక దళం వెంటనే ఆర్పేసింది.

ప్రమాదం గురించిన వివరాలు తెలుసుకున్నానని అమెరికా అధ్యక్షుడు డొనాల్డ్​ ట్రంప్​ ట్వీట్​ చేశారు. ప్రభుత్వం తరఫున అవసరమైన సహాయక చర్యలు చేపడతామని తెలిపారు.