ఇంట్లోకి చొరబడి దేశాధ్యక్షుడి హత్య

హైతీ అధ్యక్షుడు జొవెనెల్ మోయిసేను గుర్తుతెలియని దుండగులు దారుణంగా హత్య చేశారు. ఆయన నివాసంలోకి చొరబడి చంపారు. దాడిలో తీవ్రంగా గాయపడిన మోసే భార్య ప్రస్తుతం చికిత్స పొందుతున్నారు.

హైతీ అధ్యక్షుడు జొవెనెల్ మోయిసే దారుణ హత్యకు గురయ్యారు. ఇంట్లోనే ఆయనపై దుండగులు దాడి చేసి చంపేశారు. హైతీ ప్రథమ మహిళ, మోయిసే భార్యపైనా దాడి జరిగింది. తీవ్రంగా గాయపడ్డ ఆమెను ఆస్పత్రికి తరలించారు.

గుర్తు తెలియని దుండగులు కొందరు మోయిసే వ్యక్తిగత నివాసంలోకి చొరబడి.. ఆయనను హత్య చేశారని మధ్యంతర ప్రధాని క్లాడె జోసెఫ్ తెలిపారు. ఈ ఘటనను తీవ్రంగా ఖండించారు. దీనిని అత్యంత హేయమైన చర్యగా అభివర్ణించారు. ప్రస్తుతం పరిస్థితి నియంత్రణలో ఉందని చెప్పారు.

దేశంలో రాజకీయ అస్థిరత నెలకొన్న ప్రస్తుత సమయంలో అధ్యక్షుడు హత్యకు గురి కావడం కలకలం రేపుతోంది.

హైతీలో ఆర్థిక, రాజకీయ పరమైన అనిశ్చితి రోజురోజుకు పెరుగుతోంది.