'అమెరికా ఉద్యోగులపై ఫేస్​బుక్​ వివక్ష'

అమెరికా ఉద్యోగులపై ఫేస్​బుక్​ వివక్ష చూపిస్తోందని ఆ దేశ న్యాయశాఖ ధ్వజమెత్తింది. అర్హత కలిగిన అమెరికా వాసులను కాదని విదేశీయులకు ఉద్యోగావకాశాలు కల్పిస్తోందని ఆరోపించింది. ఈ మేరకు ఫేస్​బుక్​పై పిటిషన్​ దాఖలు చేసింది.

సామాజిక మాధ్యమ దిగ్గజం ఫేస్​బుక్​పై ట్రంప్​ నేతృత్వంలోని అమెరికా అధికార యంత్రాంగం మండిపడింది. అమెరికా ఉద్యోగులపై​ వివక్ష చూపుతోందని ఆరోపించింది. విదేశీయులకు ప్రత్యేక వీసాలను ఇప్పించి.. 2,600కిపైగా ఉద్యోగాలను ఫేస్​బుక్​ కల్పించిందని విమర్శించింది. ఈ మేరకు ఆ సంస్థపై అమెరికా న్యాయ శాఖ పిటిషన్​ దాఖలు చేసింది.

అర్హత కలిగిన అమెరికా వాసులను కాదని ఫేస్​బుక్​ తమ సంస్థలో తాత్కాలిక వీసాదారులుకు ఉద్యోగాలు కల్పిస్తోందని న్యాయ శాఖ తన పిటిషన్​లో పేర్కొంది. వారిని శాశ్వత ఉద్యోగులుగా మార్చుకునేందుకు గ్రీన్​కార్డులందించండ లోనూ​ సాయపడిందని ఆరోపించింది. ఈ ఉద్యోగాల ద్వారా విదేశీయులకు సగటున రూ.1.15 కోట్ల జీతాన్ని ఫేస్​బుక్​ చెల్లిస్తుందని దుయ్యబట్టింది. ఇందుకు గాను.. అమెరికా వాసులకు ఫేస్​బుక్ పరిహారం చెల్లించాలని న్యాయశాఖ డిమాండ్​ చేసింది.

ఇదీ చూడండి:అమెరికాలో మిస్టరీ లోహ స్తంభం మళ్లీ ప్రత్యక్షం