అమెరికాలో 50 లక్షలు దాటిన కరోనా కేసులు

ప్రపంచవ్యాప్తంగా కరోనా విలయం కొనసాగుతోంది. రోజుకు దాదాపుగా మూడు లక్షల వరకు కొత్త కేసులు నమోదవుతుండటం ఆందోళన కలిగిస్తోంది. అమెరికాలో కేసుల సంఖ్య 50 లక్షలు దాటింది. బ్రెజిల్​లో 30 లక్షలకు చేరువయ్యాయి. మొత్తం కేసుల సంఖ్య కోటీ 93 లక్షలు దాటింది. 7.18 లక్షల మంది ప్రాణాలు కోల్పోయారు.

కరోనా మహమ్మారి ఉద్ధృతి కొనసాగుతోంది. ప్రపంచవ్యాప్తంగా ధనిక, పేద దేశాలు అనే తేడా లేకుండా అన్నింటా తన ప్రభావాన్ని చూపుతోంది. రోజుకు మూడు లక్షల మంది వరకు ఈ వైరస్​ బారినపడుతున్నారు. అయితే.. అదే స్థాయిలో వైరస్​ నుంచి కోలుకోవటం ఊరట కలిగించే విషయం.

ప్రపంచవ్యాప్తంగా మొత్తం కేసుల సంఖ్య కోటీ 93 లక్షలు దాటింది. 7.18 లక్షల మందికిపైగా కోలుకున్నారు.

• మొత్తం కేసులు: 19,303,114
• మరణాలు: 718,511
• కోలుకున్నవారు: 12,393,763
• యాక్టివ్​ కేసులు:6,190,840

అమెరికాలో ఉగ్రరూపం..

అగ్రస్థానంలో ఉన్న అమెరికాలో కరోనా కరాళ నృత్యం చేస్తోంది. రోజుకు 60-80 వేల వరకు కొత్త కేసులు నమోదవుతున్నాయి. మొత్తం కేసుల సంఖ్య 50 లక్షలు దాటింది. 1.62లక్షల మందికిపైగా మరణించారు. 25 లక్షల మందికిపైగా కోలుకున్నారు.

బ్రెజిల్​లో...

కరోనా కేసుల సంఖ్యలో రెండో స్థానంలో కొనసాగుతోన్న బ్రెజిల్​లో వైరస్​ వేగంగా విజృంభిస్తోంది. మొత్తం కేసుల సంఖ్య 29 లక్షలు దాటింది. మరణాల సంఖ్య లక్షకు చేరువైంది. 20 లక్షల మందికిపైగా వైరస్​ నుంచి కోలుకున్నారు.

బీజింగ్​లో తొలి స్థానిక కేసు..

చైనా రాజధాని బీజింగ్​లో స్థానిక వ్యాప్తితో తొలికేసు నమోదైంది. జూన్​ నుంచి ఇటీవల చాలా తక్కువ కేసులు నమోదయ్యాయి. తాజాగా వాయవ్య ప్రాంతంలోని షింజియాంగ్​లో 26 కొత్త కేసులు వచ్చాయి. హాంకాంగ్​లో 95 మంది కొత్తగా వైరస్​ బారినపడ్డారు.

పాక్​లో మరో 782 కొత్త కేసులు..

పాకిస్థాన్​లో కొత్త కేసుల సంఖ్య గణనీయంగా పెరుగుతోంది. శుక్రవారం 782 మంది వైరస్​ బారినపడ్డారు. మొత్తం కేసుల సంఖ్య 2.82 లక్షలకు చేరింది. ఇప్పటి వరకు వైరస్​తో 6,052 మంది ప్రాణాలు కోల్పోయారు.

ప్రపంచవ్యాప్తంగా వివిధ దేశాల్లో కరోనా వివరాలు

దేశం	కేసులు	మరణాలు
అమెరికా	5,033,723	162,836
బ్రెజిల్	2,917,562	98,644
రష్యా	877,135	14,725
దక్షిణాఫ్రికా	538,184	9,604
మెక్సికో	462,690	50,517
పెరు	455,409	20,424
చిలీ	366,671	9,889
కొలంబియా	357,710	11,939

ఇదీ చూడండి: రికార్డ్​ స్థాయి విజృంభణ: కొత్తగా 62,538 కేసులు