అమెరికాలో ఒక్కరోజే 52 వేల కరోనా కేసులు

ప్రపంచవ్యాప్తంగా కరోనా కేసులు మరింతగా పెరిగిపోతున్నాయి. మొత్తం​ కేసులు కోటీ 8 లక్షలు దాటగా, మృతుల సంఖ్య 5 లక్షల 19 వేలకు చేరువైంది. అమెరికాలో కొత్తగా 52 వేల కేసులు, 676 మరణాలు సంభవించాయి. బ్రెజిల్, రష్యా, భారత్, మెక్సికోల్లోనూ భారీ స్థాయిలో కరోనా కేసులు పెరిగిపోతున్నాయి.

కరోనా మహమ్మారి మరింత వేగంగా విస్తరిస్తూ ప్రపంచ దేశాలను గడగడలాడిస్తోంది. తాజాగా మొత్తం కరోనా కేసులు కోటీ 8 లక్షలు దాటగా, మృతుల సంఖ్య 5 లక్షల 19 వేలకు చేరువైంది.

అమెరికాలో మరోసారి కరోనా విజృంభణ మొదలైంది. కొత్తగా అక్కడ 52 వేల కొవిడ్ కేసులు, 676 మరణాలు సంభవించాయి. దీనితో మొత్తం కేసుల సంఖ్య 27 లక్షల 79 వేలకు, మరణాల సంఖ్య లక్షా 30 వేలకు పైగా పెరిగింది.

నిర్లక్ష్యమే కారణం

అమెరికాలో ఆంక్షల సడలింపు తరువాత ప్రజలు తీవ్ర నిర్లక్ష్యంగా వ్యవహరించడం... ముఖ్యంగా మాస్కులు ధరించకపోవడం, భౌతిక దూరం పాటించకపోవడం వల్లనే కరోనా కేసులు విపరీతంగా పెరిగిపోతున్నాయని విశ్లేషకులు చెబుతున్నారు.

వెయ్యికిపైగా మరణాలు..

బ్రెజిల్​లో కరోనా కేసులు భయంకరంగా పెరిగిపోతున్నాయి. కొత్తగా అక్కడ 44 వేల 8 వందలకుపైగా కరోనా కేసులు నమోదుకాగా, వేయి 57 మంది మృత్యువాతపడ్డారు. దీనితో మొత్తం కేసుల సంఖ్య 14 లక్షల 53 వేలకు చేరాయి. మరణాల సంఖ్య 60 వేల 7 వందలకుపైగా ఉంది.

రష్యాలో మరో 6,556 కేసులు నమోదయ్యాయి. 216 మరణాలు సంభవించాయి. మెక్సికోలో గడచిన 24 గంటల్లో 5,681 కేసులు, 741 మరణాలు సంభవించాయి.

ప్రపంచవ్యాప్తంగా కరోనా కేసులు

ఇదీ చూడండి:ఆశలన్నీ వ్యాక్సిన్​పైనే.. 6 నెలలైనా అంతు చిక్కలే!