అమెరికాలో మళ్లీ పేలిన తుపాకీ- నలుగురు మృతి

అమెరికాలో మళ్లీ తుపాకీ పేలింది. ప్యూర్టోరికోలోని పోన్స్​లో కొందరు దుండగులు జరిపిన కాల్పుల్లో నలుగురు ప్రాణాలు కోల్పోయారు. మరో ఇద్దరు గాయపడ్డారు.

అమెరికాలో తుపాకీ విషపు సంస్కృతి మరో నలుగురి ప్రాణాలను బలి తీసుకుంది. ప్యూర్టోరికో ద్వీపంలోని పోన్స్​ పట్టణంలో ఈ ఘటన జరిగింది. పట్టణంలోని బాస్కెట్​ బాల్​ కోర్టు సమీపంలో కొంతమంది దుండగులు కాల్పులు జరిపారు.

ఈ కాల్పుల్లో నలుగురు అక్కడికక్కడే మరణించగా.. మరో ఇద్దరు తీవ్రంగా గాయపడ్డారు. మృతుల్లో ముగ్గురి వివరాలు తెలియరాలేదని పోలీసులు తెలిపారు.

ఈ ఘటనకు సంబంధించి ఇంతవరకు ఎవరినీ అదుపులోకి తీసుకోలేదు పోలీసులు. కాల్పులకు తెగబడిన వారి ఉద్దేశాన్ని కూడా గుర్తించలేదు.

394 మంది..

32 లక్షల మంది జనాభా ఉన్న ప్యూర్టోరికో ద్వీపంలో ఈ ఏడాది ఇప్పటివరకు ఇలాంటి ఘటనల్లో 394 మంది మరణించారు. 2019లో 481 మంది చనిపోయారు.

ఇదీ చూడండి:ఆ నగరంలో తుపాకీ సంస్కృతికి 10 మంది బలి