25 అంతస్తుల భవనంలో మంటలు.. కిందకు దూకిన బాధితులు

అమెరికా లాస్​ ఏంజెల్స్​లోని 25 అంతస్తుల భవనంలో అగ్ని ప్రమాదం సంభవించింది. అగ్ని మాపక సిబ్బంది వెంటనే అక్కడకు చేరుకుని మంటలను అదుపు చేశారు. ఘటన సమయంలో భవనం నుంచి చాల మంది కిందకు దూకినట్లు అధికారులు తెలిపారు.

అమెరికా లాస్​ ఏంజెల్స్​లోని 25 అంతస్తుల నివాస భవంతిలో బుధవారం ఉదయం అగ్ని ప్రమాదం సంభవించింది. ఘటన జరిగిన వెంటనే సహాయక సిబ్బంది అక్కడకు చేరుకుంది. భవనంలో చిక్కుకున్న వారు దూకేందుకు గాలి బ్యాగులను ఏర్పాటు చేశారు. హెలికాఫ్టర్లతో సాయంతో కొంత మందిని రక్షించారు. అగ్నిమాపక యంత్రాలతో మంటలను అదుపు చేశారు.

6వ అంతస్తులో మంటలు చేలరేగినట్లు అధికారులు తెలిపారు. ప్రమాదం కారణంగా మొదటి, రెండో అంతస్తులు ఎక్కువగా ధ్వంసమైనట్లు చెప్పారు. మొత్తం 50మందిని రక్షించినట్లు పేర్కొన్నారు.

ఈ భవనానికి కొద్ది దూరంలోని మరో భవంతిలో మరో అగ్నిప్రమాదం జరిగినట్లు అధికారులు వెల్లడించారు.

ఇదీచూడండి:'రాజ్యాంగ పరిరక్షణ' పేరిట కేరళలో రాహుల్ ర్యాలీ​