ట్రంప్​ తొలగించిన అధికారులే బైడెన్​కు సలహాదారులు

అమెరికా అధ్యక్షుడు డొనాల్డ్​ ట్రంప్​ తొలగించిన అధికారులను నూతన బాధ్యతల్లో కూర్చోబెట్టారు జో బైడెన్​. వారందరికీ ప్రత్యేక సలహా మండలిలో చోటిచ్చారు. ఇందులో భారతీయ అమెరికన్​ డా. వివేక్​ మూర్తికి కీలక స్థానం కల్పించారు బైడెన్​.

అమెరికాలో త్వరలో అధ్యక్ష పీఠాన్ని అధిరోహించబోతున్న జో బైడెన్​.. ముందుగా ప్రకటించిన విధంగానే కరోనాను కట్టడికి రంగం సిద్ధం చేశారు. ఇందులో భాగంగా ప్రజారోగ్య నిపుణులతో ఓ సలహా మండలిని ఏర్పాటు చేశారు. అయితే ఇందులో ట్రంప్​ తొలగించిన అధికారులనే సభ్యులుగా తీసుకున్నారు బైడెన్​. మొత్తం 10మందితో ఈ టాస్క్​ ఫోర్స్​ బృందాన్ని ఏర్పాటు చేశారు.

వివేక్​ మూర్తికి కీలక స్థానం..

ఈ బృందానికి భారతీయ అమెరికన్​ డా.వివేక్​ మూర్తి(42) నేతృత్వం వహించనున్నారు. ఆయనతో పాటు డా.రిక్​ బ్రైట్​, డా. డేవిడ్​ కెస్లర్​, డా. మార్సెల్లా నునెజ్​-స్మిత్​లు కీలకపదవుల్లో ఉండనున్నారు. 2014 నుంచి 2017 వరకు అమెరికా సర్జన్​ జనరల్​గా డా.మూర్తి పనిచేశారు.