అగ్ని ప్రమాదాలతో హ్యూస్టన్​ గజగజ

అమెరికాలోని హ్యూస్టన్​ నగరంలో చమురు రసాయన పరిశ్రమలో అగ్నిప్రమాదం సంభవించింది. భారీ ఆస్తి నష్టం జరిగింది.

అమెరికా టెక్సాస్​ రాష్ట్రం హ్యూస్టన్​ నగరంలో ఆదివారం భారీ అగ్ని ప్రమాదం జరిగింది. డీర్​ పార్క్​లోని ఇంటర్​ కాంటినెంటల్​ ​చమురు రసాయన సంస్థలోని ఓ ట్యాంకులో మంటలు చెలరేగాయి. ఆ ప్రాంతమంతా దట్టమైన పొగలు అలుముకున్నాయి.

అగ్నిప్రమాదం జరిగిన చోట మొత్తం 13.1 బిలియన్​ బ్యారెళ్ల చమురు ఉన్నట్లు అంచనా. మంటలు ఇతర ట్యాంకులకూ విస్తరిస్తే మరింత ప్రమాదముందని అధికారులు ఆందోళన చెందుతున్నారు. యుద్ధప్రాతిపదికన సహాయక చర్యలు చేపడుతున్నారు. చుట్టుపక్కల వారు బయటకు రావద్దని కోరారు.

ఇది రెండో ప్రమాదం:

హ్యూస్టన్​ నగరంలో ఇది వరుసగా రెండో అగ్ని ప్రమాదం. శనివారం ఓ సంస్థ ప్లాంట్​లో మంటలు చెలరేగాయి. అగ్నిమాపక సిబ్బంది వాటిని అదుపులోకి తెచ్చారు.