కరోనా వ్యాప్తిని కట్టడి చేసేందుకు "వియర్ ఏ మాస్క్(మాస్కు ధరించండి)" అంటూ అమెరికాకు చెందిన ప్రముఖ అంటువ్యాధుల నిపుణుడు డాక్టర్. ఆంటోనీ ఫౌచీ చేసిన సూచన.. ఈ ఏడాది అత్యంత ప్రజాదరణ పొందిన కొటేషన్గా నిలిచింది. 'ఏల్ లా స్కూల్ లైబ్రేరియన్స్ లిస్ట్ 2020'లో ప్రథమ స్థానం సంపాదించింది.
అమెరికన్ పోలీసుల చేతిలో నల్ల జాతీయుడు జార్జ్ ఫ్లాయిడ్ మరణిస్తూ చేసిన "ఐ కాంట్ బ్రీత్(ఊపిరి ఆడటంలేదు)" వ్యాఖ్య.. రెండో స్థానంలో నిలిచింది. అమెరికా నూతన అధ్యక్షుడిగా ఎన్నికైన జో బైడెన్.. ఎన్నికల ప్రచారంలో చేసిన "యూ ఆర్ లయింగ్ డాగ్-ఫేసెడ్ పోనీ సోల్జర్" వ్యాఖ్యలు కూడా జాబితాలో చోటు సంపాదించాయి.