క్యాట్​వాక్​ చేస్తూ పడిపోయాడు.. ప్రాణాలు వదిలాడు

బ్రెజిల్​ సావోపోలో ఫ్యాషన్ షోలో ఓ మోడల్​ ర్యాంప్​పైనే కుప్పకూలిపోయాడు. అనంతరం ఆసుపత్రికి తరలించారు నిర్వాహకులు. అక్కడ చికిత్స పొందుతూ ప్రాణాలు వదిలాడు.

అప్పటివరకు ర్యాంప్​పై నడుస్తూ అందరినీ అలరించాడు మోడల్ టేల్స్​ సోర్స్. తన నడకతో ఆకట్టుకున్నాడు. ఉన్నట్టుండి ఒక్కసారిగా ర్యాంప్​పైనే కుప్పకూలిపోయాడు. బ్రెజిల్​లోని​ సావోపోలోలో జరిగిన ఫ్యాషన్ షోలో ఈ ఘటన జరిగింది.

నాలుగు రోజులుగా జరుగుతున్న ఫ్యాషన్​ షోకు టేల్స్​ సోర్స్ హాజరయ్యాడు. ఫ్యాషన్​ షోలో శనివారం క్యాట్​ వాక్​ చేస్తూ పడిపోయాడు. స్పృహా కోల్పోయిన అతడిని ఆసుపత్రికి వెంటనే తరలించారు నిర్వాహకులు. చికిత్స పొందుతూ అక్కడే మరణించాడు టేల్స్ సోర్స్​.

షూ లేస్​ తట్టుకుని సోర్స్​ ర్యాంప్​పై పడిపోయినట్టు అక్కడి మీడియా తెలిపింది. ఫ్యాషన్​ షోను తిలకిస్తున్న ప్రేక్షకులు మాత్రం ప్రదర్శనలో భాగంగా సోర్స్ పడిపోయాడని భావించారు.