'నేను నిన్ను రేప్​ చేశా.. ఏం చేస్తావ్?'

కళాశాలలో చదువుతున్నప్పుడు తోటి విద్యార్థినిపై అత్యాచారం చేసి తప్పించుకున్నా... ఓ అసభ్యకరమైన మెసేజ్​ అతని కొంపముంచింది. 8 ఏళ్ల తర్వాత ఫేస్​బుక్​ ద్వారా అతడు బాధితురాలికి పంపిన మెసేజ్​.. పోలీసులకు కొత్త ఆధారాలు దొరికేలా చేసింది. అతనిపై ఉన్న కేసును రీఓపెన్​ చేసేందుకు కారణమైంది.

కళాశాలలో చదువుకునే రోజుల్లో ఓ స్టూడెంట్ తోటి విద్యార్థినిపై అత్యాచారానికి పాల్పడ్డాడు. ఎనిమిదేళ్ల తర్వాత.. 'అవును నేను నిన్ను రేప్ చేశాను' అని సామాజిక మాధ్యమం ఫేస్​బుక్​ ద్వారా మెసేజ్ పంపాడు. ఈ మెసేజ్​లు ఆధారంగా చూపి బాధితురాలు పోలీసులను ఆశ్రయించారు.

ఈ ఘటనపై అమెరికా పెన్సిల్వేనియా కోర్టు ఆగ్రహం వ్యక్తం చేసింది. వెంటనే నిందితుడిని పట్టుకోవాలని.. మంగళవారం అరెస్టు వారెంట్​ జారీ చేసింది. అసలేం జరిగిందంటే..

పార్టీ అనంతరం బలవంతం చేసి..

అది 2013 డిసెంబర్. గెట్టిస్​బర్గ్​ కళాశాలలో ఓ పార్టీ జరిగింది. అక్కడ కనిపించిన ఓ అమ్మాయిని తోటి విద్యార్థి, ఐస్ హాకీ టీమ్​ గోల్​ కీపర్ ఇయాన్ క్లియరీ ఫాలో అయ్యాడు. ఆమె హాస్టల్​ గదిలోకి వెళ్లి రేప్​ చేశాడు. అనంతరం బాధితురాలికి క్షమాపణలు చెప్పి.. అక్కడి నుంచి పారిపోయాడు.

వెంటనే ఫిర్యాదు చేసినా..

ఈ ఘటన జరిగిన తర్వాత బాధితురాలు వెంటనే కళాశాల సంబంధిత పోలీసులను ఆశ్రయించారు. అత్యాచారానికి సంబంధించిన మెడికల్ పరీక్షలకూ హాజరయ్యారు. కానీ.. బాధితురాలు ఆ సమయంలో మద్యం సేవించి ఉన్నందున కేసుపై విచారణ జరపడం కష్టమని అధికారులు చెప్పారు.

"ఇంత జరిగినా ఏం చేయలేకపోయానే అని నేను చాలా బాధపడ్డాను. అత్యాచారం జరిగిన తర్వాత ఓ బాధితురాలు న్యాయం కోసం ఇలా పోరాటం చేసే పరిస్థితి ఎవ్వరికీ రాకూడదు."

--బాధితురాలు.

గతేడాది..

ఎనిమిదేళ్ల తర్వాత క్లియరీ తన ఫేస్​బుక్​ ఖాతా ద్వారా బాధితురాలికి అసభ్యకరమైన మెసేజ్​లు పంపాడు. దీంతో బాధితురాలు.. మరోసారి గెట్టిస్​బర్గ్​ పోలీసులను ఆశ్రయించారు. మెసేజ్​ల ఆధారంగా.. కేసును రీఓపెన్ చేసిన పోలీసులు.. దర్యాప్తు ప్రారంభించారు. నిందితుడి ఫేస్​బుక్ ఖాతాతో అనుసంధానమై ఉన్న మొబైల్​ నంబర్​కు ఎన్నిసార్లు ఫోన్​ చేసినా ఎవ్వరూ ఫోన్​ ఎత్తడం లేదని తెలిపారు.

క్లియరీ కోసం గాలిస్తున్నట్లు పోలీసులు తెలిపారు. ప్రస్తుతం నిందితుడు ఎక్కడ ఉన్నాడనే దానిపై స్పష్టత లేదని పేర్కొన్నారు.

ఇదీ చదవండి:వెంటపడిన జింక- నగ్నంగా పరుగో పరుగు!