అమెరికాలో ప్రారంభమైన ఫేస్బుక్ 'పెళ్లి పందిరి'
ప్రపంచవ్యాప్తంగా ఎదురవుతోన్న పోటీని తట్టుకునేందుకు ఫేస్బుక్ అన్నిరంగాల్లో అడుగుపెట్టాలని ప్రయత్నిస్తోంది. లవ్, డేటింగ్ పేరుతో కొత్త ఫీచర్ను అమెరికాలో ప్రారంభించింది ఈ సామాజిక మాధ్యమ దిగ్గజం. ఇప్పటికే బ్రెజిల్తో పాటు మరో 18 దేశాల్లో లవ్, డేటింగ్ సేవలను అందుబాటులోకి తెచ్చింది ఫేస్బుక్.
సామాజిక మాధ్యమాల్లో డేటింగ్ యాప్లకు క్రేజ్ ఎక్కువగా ఉండటం వల్ల ఈ మార్కెట్లోకి సులువుగా ప్రవేశించింది ఫేస్బుక్. ఈ రంగంలో టిండర్ యాప్ దూసుకెళుతోంది. అయితే డేటింగ్ సేవల ద్వారా ప్రజలు మరింత ఎక్కువసేపు తమ యాప్ ఉపయోగించేలా చేసేందుకు ఫేస్బుక్ ఈ ప్రణాళిక రచించింది.