అలస్కాలో భూకంపం-రిక్టర్​ స్కేలుపై 6.1 తీవ్రత

అమెరికా, అలస్కాలో 6.1 తీవ్రతతో భూకంపం సంభవించింది. ప్రధానంగా ఎంకరేజ్​, వాసిల్లా నగరాల్లో భూకంప తీవ్రత ఎక్కువగా ఉందని అధికారిక దినపత్రికలు తెలిపాయి. ప్రాణ, ఆస్తి నష్టంపై ఇంకా సమాచారం లేదు.

అలస్కాలో ఆదివారం రాత్రి భూకంపం సంభవించింది. రిక్టర్ స్కేలుపై 6.1 తీవ్రత నమోదైంది. హోమర్​ నుంచి ఫైర్​ బ్యాంక్స్​ నగరాల వరకు భూమి స్వల్పంగా కంపించింది. ముఖ్యంగా ఎంకరేజ్​, వాసిల్లా నగరాల్లో భూకంప తీవ్రత ఎక్కువగా కనిపించిందని అధికారిక దినపత్రికలు తెలిపాయి. ఎంకరేజ్​ నగరానికి ఉత్తరాన ఉన్న టాల్కీత్నా పర్వతాలు కంపించాయి.

44 కిలోమీటర్ల లోతున భూకంప కేంద్రం కేంద్రీకృతమైందని కెనడా భూకంప కేంద్రం వెల్లడించింది. సోమవారం రోజూ భూమి స్వల్పంగా కంపించిందని తెలిపింది. ప్రాణ, ఆస్తి నష్టంపై ఇంకా సమాచారం లేదు.

ఇదీ చదవండి:550 మిలియన్ డాలర్లు ఇస్తేనే ఆ నౌక రిలీజ్!