'వైట్​ హౌస్'​కు బాగ్దాదీని వేటాడిన వీర శునకం

ఐసిస్​ ఉగ్ర సంస్థ​ అధినేత అబూ బకర్​ అల్​ బాగ్దాదీని అంతమొందించటంలో కీలక పాత్ర పోషించిన జాగిలం 'కోనన్​'...  శ్వేతసౌధాన్ని సందర్శించింది.  స్వయంగా అగ్రరాజ్య అధ్యక్షుడు డొనాల్డ్​ ట్రంప్​ ఈ శునకాన్ని ప్రజలకు పరిచయం చేశారు. కోనన్​ను అమెరికన్​ హీరోగా అభివర్ణించారు ట్రంప్​.

కరడు గట్టిన ఉగ్రసంస్థ- ఇస్లామిక్​ స్టేట్ ఆఫ్​ ఇరాక్​ అండ్​ సిరియా​ అధినేత అబు బకర్​ అల్​ బాగ్దాదీని చివరి వరకు వెంటాడి వేటాడిన వీర శునకం.. శ్వేతసౌధాన్ని సందర్శించింది. స్వయంగా అమెరికా అధ్యక్షుడు డొనాల్డ్​ ట్రంప్​ ఆ శునకం కోనన్​ను ప్రపంచానికి పరిచయం చేశారు. కోనన్​కు 'మెడల్​ ఆఫ్​ హానర్​' అనే ప్రత్యేక అవార్డును కూడా అందించిన్నట్లు ట్రంప్​ తెలిపారు. ఈ జాగిలాన్ని అమెరికన్​ హీరోగా అభివర్ణించారు.

"ఈ శునకం అద్భుతం. చాలా చురుకైనది, తెలివైనది. సైన్యం, జాగిలం కలిసి గొప్పగా పనిచేశారు. మరికొంత కాలం పాటు కోనన్​ సైనిక దళానికి తన సేవలను అందిస్తుంది."

-ట్రంప్​, అమెరికా అధ్యక్షుడు.

స్పెషల్​ ఆపరేషన్స్​ కమాండ్ ​(ఎస్​ఓసీఓఎమ్​) కెనైన్​ ప్రోగ్రాంలో 'కోనన్​' నాలుగేళ్ల పాటు శిక్షణ పొందినట్లు అమెరికా సెంట్రల్​ కమాండర్​ జనరల్​ కెన్నెత్​ మెకెంజీ తెలిపారు. శిక్షణ తర్వాత ఇప్పటి వరకు దాదాపు 50 ప్రత్యేక​ ఆపరేషన్లలో​ 'కోనన్'​ పాల్గొన్నట్లు వెల్లడించారు. ఉగ్రవాది ఆల్​ బాగ్దాదీ సొరంగంలో ఆత్మాహుతి దాడి చేసుకున్నప్పుడు ఆ పేలుడులో జాగిలానికి గాయాలయ్యాయని మెకెంజీ గుర్తుచేశారు.

ఇదీ చూడండి : రాజ్యాంగ రచనలో అంబేడ్కర్‌ కృషి అనన్య సామాన్యం