Dementia Heart Rate: వృద్ధుల్లో విశ్రాంతి సమయంలో గుండె కొట్టుకునే వేగం ఎక్కువగా ఉంటే తీవ్ర స్థాయి మతిమరుపు ముప్పు (డిమెన్షియా) పెరుగుతుందని తాజా అధ్యయనం పేర్కొంది. స్వీడన్‌లోని కరోలిన్‌స్కా ఇన్‌స్టిట్యూట్‌ శాస్త్రవేత్తలు ఈ పరిశోధన చేశారు. విశ్రాంతి సమయంలో ఉన్నప్పుడు గుండె కొట్టుకునే రేటును కొలవడం చాలా సులువు. దాన్ని వ్యాయామం లేదా వైద్య చికిత్స ద్వారా తగ్గించుకోవచ్చని పరిశోధకులు తెలిపారు. ఈ నేపథ్యంలో డిమెన్షియా ముప్పు ఉన్నవారిని ముందే గుర్తించి, త్వరగా నయం చేయడానికి ఈ పరిశోధన దోహదపడుతుందని వివరించారు.
తాజా పరిశోధనలో భాగంగా స్టాక్‌హోంలో 60 ఏళ్లు పైబడ్డ 2,147 మందిపై పరిశీలన జరిపారు. ఆ తర్వాత 12 ఏళ్లకు మరోసారి వారిపై దృష్టిపెట్టారు.