క్యూబా నేషనల్ జూలో పులి పిల్లలు
క్యూబా జాతీయ జంతుప్రదర్శనశాలలో ఓ బంగాల్ టైగర్.. నాలుగు పిల్లలకు జన్మనిచ్చింది. ఆ పిల్లల్లో ఒకటి పూర్తి తెలుపులో రంగులో ఉండటం విశేషం. మార్చి 12న ఫియోనా అనే పులి.. నాలుగు పిల్లలకు జన్మనిచ్చినట్లు అధికారులు తెలిపారు. అనంతరం.. 10 రోజుల పాటు వీటిని నిరంతర పర్యవేక్షణలో ఉంచినట్లు చెప్పారు.
ఈ పిల్లలకు తల్లి ఫియోనా కాగా.. తండ్రి గార్ఫీల్డ్ అనే మగ పులి. ఇప్పటివరకు ఈ పులి పిల్లలను ఎవరూ తాకనందున అవి ఆడవా? మగవా? అనే దానిపై స్పష్టత లేదు. వాటి బరువు ఎంతో కూడా ఎవరికీ తెలియదు. అయితే.. ఫియోనా ప్రసవించేటప్పుడు గమనించిన పులుల సంరక్షులకు.. ఆ పిల్లల్లో ఒకటి పూర్తి తెలుపు రంగు తోలుతో, నీలి రంగు కళ్లతో ఉన్నట్లు తెలిసింది.