'రెండో ప్రపంచ యుద్ధం తర్వాత అతి పెద్ద సవాలు కరోనా'

రెండో ప్రపంచ యుద్ధం తర్వాత అతిపెద్ద సవాలు కరోనాను ఎదుర్కోవడమేనని అన్నారు ఐరాస అధ్యక్షుడు ఆంటోనియో గుటెర్స్. ఐరాస చరిత్రలో ఇలాంటి సంక్షోభాన్ని చూడలేదని చెప్పారు. వైరస్​పై పోరాటానికి ప్రపంచ దేశాలు ఏకం కావాలని పిలుపునిచ్చారు.

రెండో ప్రపంచ యుద్ధం తర్వాత ప్రపంచ దేశాలు ఎదుర్కొంటున్న అత్యంత పెద్ద సవాలు కరోనా మహమ్మారి అన్నారు ఐరాస అధ్యక్షుడు ఆంటోనియో గుటెర్స్.

ఐరాస చరిత్రలో చూడలేదు!

'75ఏళ్ల ఐక్యరాజ్యసమితి చరిత్రలో ఎన్నడులేని విధంగా ప్రపంచం ఆరోగ్య సంక్షోభాన్ని ఎదుర్కొంటుంది. తీవ్ర స్థాయిలో కరోనా వ్యాప్తి చెంది ప్రజల ప్రాణాలు ఉసురుతీస్తుంది' అని గుటెర్స్​ పేర్కొన్నారు. ఆరోగ్య సంక్షోభం మానవ సంక్షోభానికి దారితీసేలా ఉందని ఆవేదన వ్యక్తం చేశారు. కొవిడ్​-19 సామాజిక-ఆర్థిక అంశాలపై చూపే ప్రభావాన్ని సూచిస్తూ 'షేర్డ్​ రెస్పాన్సిబిలిటీ, గ్లోబల్ సాలిడారిటీ' పేరిట ఓ విడుదల చేశారు.

అందురూ ఒక్కటై పోరాడాలి!

"ఆరోగ్య, ఆర్థిక సంక్షోభాలు ప్రపంచాన్ని ప్రమాదంలోకి నెడుతున్నాయి. అస్థిరత, అశాంతి, వివాదాలకు దారితీస్తున్నాయి. ఈ తరుణంలో రాజకీయాలను పక్కన పెట్టి అందరూ ఒకే తాటిపైకి వచ్చి పూర్తి శక్తి సామర్థ్యాలతో వైరస్​ను ఎదుర్కొవాలి" అని ప్రపంచ దేశాలకు పిలుపునిచ్చారు గుటెర్స్​. మహమ్మారి కరోనాను ఎదుర్కోవడానికి ప్రపంచంలోని దిగ్గజ ఆర్థిక వ్యవస్థలన్నీ ఒక్కటై సమన్వయ, నిర్ణయాత్మక, వినూత్న, సమగ్ర విధానాలతో చర్యలు చేపట్టాలన్నారు. ధనిక దేశాలు.. పేద ప్రజలు, దేశాలకు ఆర్థిక, సాంకేతిక మద్దతు ఇవ్వాలని కోరారు ఐరాస అధ్యక్షుడు.

వివిధ రంగాలపై మహమ్మారి ప్రభావం

కరోనా సంక్షోభంతో కలిగే నష్టాన్ని అంచనా వేస్తూ వేర్వేరు సంస్థలు నివేదికలు విడుదల చేశాయి. వాటిలోని ముఖ్యాంశాలు:

• 5 నుంచి 25 మిలియన్ల మంది ఉద్యోగాలు కోల్పోపోతారని, అమెరికా 860 బిలియన్​ డాలర్ల నుంచి 3.4 ట్రిలియన్ డాలర్ల శ్రామిక ఆదాయాన్ని కోల్పోతుందని అంతర్జాతీయ శ్రామిక సంస్థ(ఐఎల్​ఓ) లెక్కగట్టింది.
• 30నుంచి 40 శాతం విదేశీ ప్రత్యక్ష పెట్టుబడులు క్షీణిస్తాయని యూనైటెడ్​ నేషన్స్​ కాన్ఫరెన్స్​ ఆన్​ ట్రెడ్​ అండ్​ డెవలప్​మెంట్​(అంటాడ్​) అంచనా వేసింది.
• 20-30శాతం వరకు పర్యటకలు తగ్గిపోతారని ప్రపంచ పర్యటక సంస్థ (యూఎన్​డబ్ల్యూటీఓ)చెప్పింది.
• 1.5 బిలియన్​ విద్యార్థులు బడి మానేస్తారని యునెస్కో తెలిపింది.

అమెరికాలో గడ్డుకాలం

రాబోయే రెండు వారాలు చాలా కఠినంగా ఉండనున్నాయని, దాని కోసం ప్రజలు సిద్ధంగా ఉండాలి హెచ్చరించారు అమెరికా అధ్యక్షుడు డొనాల్డ్ ట్రంప్. అత్యంత వేగంగా వ్యాప్తి చెందుతున్న కరోనాతో దేశం పోరాడుతోందన్నారు.

ఇదీ చూడండి:అమెరికాలో కరోనా ఉగ్రరూపం- 4 రోజుల్లోనే మరణాలు రెట్టింపు