కరోనా వైరస్కు వాక్సిన్ అందుబాటులోకి రావడానికి చాలాకాలం పడుతుందని మోడర్నా థెరపాటిక్స్ సీఈఓ స్టీఫెన్ బాన్సెల్ తెలిపారు. 2020 జులైలోపు అందించేందుకు ఏ ఫార్మా సంస్థ సిద్ధంగా లేదని స్పష్టం చేశారు.
"ఇది ఆర్ఎన్ఏ సాంకేతికతపై ఆధారపడి ఉంది. మెస్సెంజర్ ఆర్ఎన్ఏ (ఎంఆర్ఎన్ఏ) సంబంధిత సమాచార అణువులు.. ప్రొటీన్ల పెరుగుదల, వ్యాధి కణాలపై పోరాడుతాయి. మనుషులపై ప్రయోగించే స్థాయికి రాగలిగితే పని సులభమవుతుంది. ఇందుకు కొంత సమయం పడుతుంది. చాలా ట్రయల్స్ చేసిన అనంతరమే విడుదల చేయగలం. ఫలితంగా ఈ ఏడాది వేసవికాలం ముగిసే వరకూ ఈ వ్యాక్సిన్ తీసుకురావటం కష్టమే."