అమెరికాలో 13 లక్షలు దాటిన కరోనా కేసులు

అమెరికాలో కరోనా వైరస్​ విలయతాండవం కొనసాగుతోంది. అగ్రరాజ్యంలో ఇప్పటి వరకు 13 లక్షలకు పైగా కేసులు నమోదయ్యాయి. 77 వేల మందికి పైగా ప్రాణాలు కోల్పోయారు.

అగ్రరాజ్యమైన అమెరికాపై కరోనా మహమ్మారి.. విలయతాండవం కొనసాగిస్తోంది. ఇప్పటికే ప్రపంచవ్యాప్తంగా నమోదైన కొవిడ్​-19 మొత్తం కేసుల్లో యూఎస్​దే సింహభాగం. అంతేకాదు అక్కడ రోజూ వేల సంఖ్యలో కొత్త కేసులు పుట్టుకొస్తున్నాయి. ఇవాళ కూడా 10వేలకు పైగా నూతన కేసులను గుర్తించారు అధికారులు. వీటితో కలిపి అమెరికాలో మొత్తం కరోనా పాజిటివ్​ కేసుల సంఖ్య 13లక్షలు దాటింది.

యూఎస్​లో కరోనా వివరాలు..

అమెరికా కేసులు

రోజురోజుకూ పెరుగుతున్న కేసులతో అమెరికన్లతో తీవ్ర భయాందోళనలు నెలకొన్నాయి. ఆ దేశాధ్యక్షుడైన ట్రంప్​ సైతం రోజూ కరోనా పరీక్షలు చేయించుకుంటానని తాజాగా ప్రకటించారు.