మూడో త్రైమాసికంలో కొవిడ్-19 సోకిన గర్భిణుల్లో యాంటీబాడీలు తల్లి నుంచి పుట్టబోయే బిడ్డకు అంతగా బదిలీ కావడం లేదని తాజా పరిశోధనలో వెల్లడైంది. ఇన్ఫ్లుయెంజా, కోరింత దగ్గు సోకిన వారికి యాంటీబాడీలు సాధారణంగానే బదిలీ అవుతున్నాయి. సార్స్-కోవ్-2 విషయంలో మాత్రం అంతగా యాంటీబాడీలు తల్లి నుంచి పిండానికి చేరడం లేదని, చేరినా అవి అంతగా ప్రభావం చూపడం లేదని శాస్త్రవేత్తలు చెబుతున్నారు.
గర్భిణీలకు కరోనా టీకాపై మరింత అధ్యయనం - తల్లి నుంచి పిల్లలకు యాంటీబాడీలు
ఈ మధ్య కాలంలో కరోనా గురించి కొన్ని వార్తలు చదువుతుంటే ఒళ్లు గగుర్పొడుస్తుంది. సాధారణ మానవుల్లో రోగనిరోధక శక్తి సంగతి అటుంచితే.. గర్భిణులపై కొవిడ్ చూపే ప్రభావం పుట్టబోయే పిల్లలపై పడుతుందనే వార్త కాస్త కంగారు పెట్టిస్తుంది. కరోనా సోకిన తల్లుల యాంటీబాడీలు పిల్లలకు బదిలీ కావట్లేదని తాజా అధ్యయనంలో తేలింది.
గర్భిణిలకు కరోనా టీకాపై మరింత అధ్యయనం
ఈ నేపథ్యంలో గర్భిణులకు టీకా ఎప్పుడు వేయాలన్న అంశం చాలా కీలకమని శాస్త్రవేత్తలు పేర్కొంటున్నారు. మూడో త్రైమాసికంలో మాత్రమే ఈ యాంటీబాడీల బదిలీ సక్రమంగా జరగడం లేదన్న విషయం తమ అధ్యయనంలో స్పష్టమైందని చెబుతున్నారు. గర్భిణులకు టీకా తయారుచేసే వారికి తమ పరిశోధనలో వెల్లడైన అంశాలు ఉపయోగపడతాయని వారు అభిప్రాయపడ్డారు. అమెరికాలోని మస్సాచుసెట్స్ జనరల్ హాస్పిటల్(ఎంజీహెచ్)తో కలసి నిర్వహించిన ఈ అధ్యయనాన్ని 'సెల్' జర్నల్ ప్రచురించింది.
ఇదీ చదవండి:ఆక్స్ఫర్డ్ టీకా జనవరి తొలివారంలో?