ఒంటె జాతి నానోబాడీలతో కరోనాకు విరుగుడు!

కరోనా ఈ పేరు.. దీని ఊరు తెలియని వారుండరంటే అతిశయోక్తి కాదు. కొవిడ్​కు వ్యాక్సిన్​ను తయారుచేసే పనిలో తలమునకలై ఉన్నారు శాస్త్రవేత్తలు. ఈ క్రమంలో ఒంటె జాతి జంతువుల నానోబాడీలు వైరస్​ను సమర్ధంగా అడ్డుకోగలవని శాస్త్రవేత్తలు కనుగొన్నారు.

లామా అనే ఒంటె జాతి జంతువు నుంచి సేకరించిన సూక్ష్మ పరిమాణంలోని కరోనా వ్యతిరేక యాంటీబాడీలు (నానో బాడీలు).. ఇన్​ఫెక్షన్​ నుంచి రక్షణ కల్పించగలవని పరిశోధకులు నిర్ధరణకు వచ్చారు. అమెరికాలోని నేషనల్ ఇన్​స్టిట్యూట్​ ఆఫ్​ హెల్త్ శాస్త్రవేత్తలు చేపట్టిన ఈ పరిశోధన ప్రాథమిక ఫలితాలను సైంటిఫిర్​ రిపోర్ట్స్​ పత్రిక ప్రచురించింది. "ఒంటె జాతి జంతువుల రోగనిరోధక వ్యవస్థ సహజంగానే ప్రత్యేక రీతిలో నానోబాడీలను ఉత్పత్తి చేస్తుంది. మనుషుల్లోని యాంటీబాడీల బరువులో ఇవి కేవలం పదోవంతే ఉంటాయి. కరోనా మహమ్మారిపై పట్టు సాధించేందుకు ఇవి తోడ్పడగలవు" అని యూనీఫార్మడ్​ సర్వీసెస్​ యూనివర్సిటీ ప్రొఫెసర్​ డేవిడ్​ బ్రాడీ చెప్పారు.

ఇదీ చదవండి:కోజికోడ్​లో మరో షిగెల్లా కేసు.. ఈసారి శిశువుకు

కోర్మాక్​ అనే లామాకు పరిశోధకులు 28రోజుల వ్యవధిలో మొత్తం ఐదుసార్లు కరోనా వైరస్​ స్పైక్​ ప్రోటీన్​ను ఎక్కించారు. అనంతరం ఈ జంతువు నుంచి పలు రకాల నానోబాడీలను సేకరించి, ప్రయోగశాలలో పరీక్షించారు. వీటిలో 13 రకాల నానోబాడీలు కొవిడ్​ ఇన్​ఫెక్షన్​ను అడ్డుకోగలవని గుర్తించారు. ముఖ్యంగా 'ఎన్​ఐహెచ్​-కోవ్​ఎన్​బి-112' రకం నానోబాడీలు ఇన్​ఫెక్షన్​ను అత్యంత సమర్థంగా అడ్డుకుంటాయన్న నిర్ధరణకు వచ్చినట్లు పరిశోధనకర్త ధామస్​ ఎస్పర్జా వివరించారు.

ఇదీ చదవండి:రోడ్లు శుభ్రపర్చమని పోలీసుకు షాకిచ్చిన కోర్టు‌!