కరోనా వల్ల ప్రపంచదేశాలు అతలాకుతలమవుతున్నాయి.. ఇప్పటివరకు 2 కోట్ల 75 లక్షల 24 వేల మందికి పైగా వైరస్ బారిన పడ్డారు. మొత్తం 8,97,638 మంది ప్రాణాలు కోల్పోయారు. కోటి 96 లక్షల 25 వేల మందికిపైగా కొవిడ్ నుంచి కోలుకున్నారు.
పాకిస్థాన్లో 3 లక్షలకు చేరువలో కరోనా కేసులు - బ్రెజిల్లో కరోనా కేసులు
ప్రపంచవ్యాప్తంగా 2 కోట్ల 75 లక్షలకు పైగా కరోనా కేసులు నమోదయ్యాయి. మరణాల సంఖ్య 8 లక్షల 97 వేలు దాటింది. అమెరికా, బ్రెజిల్ దేశాల్లో వైరస్ కేసులు అధికంగా బయటపడుతున్నాయి.
పాకిస్థాన్లో 3 లక్షలకు చేరువలో కరోనా కేసులు
కొవిడ్ కేసుల్లో అగ్రస్థానంలో ఉన్న అమెరికాలో మొత్తం 64.87 లక్షల కేసులు వెలుగు చూశాయి. బ్రెజిల్లో దాదాపు 43 లక్షల మంది వైరస్ బారిన పడ్డారు.
- రష్యాలో తాజాగా 5 వేల మందికి కరోనా పాజిటివ్ తేలగా.. మొత్తం 10.35 లక్షల కేసులు నమోదయ్యాయి .
- నేపాల్లో కొత్తగా 902 మందికి వైరస్ సోకింది. ఫలితంగా మొత్తం కేసుల సంఖ్య 48 వేలు దాటింది
- పాక్లో కరోనా ఉద్ధృతి తగ్గుతోంది. కొత్తగా నమోదైన కేసులతో కలిపి దాదాపు 3 లక్షల మంది వైరస్ బారిన పడ్డారు. మరో ఐదుగురు మృతి చెందారు.
- మెక్సికోలో మరో 3,486 మందికి పాజిటివ్గా నిర్ధరణ అయ్యింది. మరో 223 మంది ప్రాణాలు కోల్పోయారు.
| దేశం | కేసులు | మరణాలు |
| అమెరికా | 64,87,763 | 1,93,595 |
| భారత్ | 43,13,129 | 73,105 |
| బ్రెజిల్ | 41,47,794 | 1,27,001 |
| రష్యా | 10,35,789 | 17,993 |
| పెరు | 6,91,575 | 29,976 |