కరోనా వైరస్ వ్యాప్తితో ప్రపంచదేశాలు విలవిల్లాడుతున్నాయి. ఇప్పటివరకు ఈ వైరస్ బారినపడినవారి సంఖ్య 76,68,000 దాటింది. 4,25,800 మందికి పైగా కొవిడ్-19కు బలయ్యారు. వ్యాధి నుంచి 38,84,000 మందికి పైగా కోలుకున్నారు.
అమెరికాలో మొత్తం కేసుల సంఖ్య 20,99,300 దాటింది. 24 గంటల్లో 9,600 పైగా బాధితులుగా మారారు. కొత్తగా 239 మంది ప్రాణాలు కోల్పోయారు. మొత్తం మృతుల సంఖ్య 1,16,200 మందికి పైగా ఉంది.
బ్రెజిల్లో 3700 పైగా కొత్త కేసులు వెలుగుచూశాయి. మొత్తం బాధితుల సంఖ్య 8,09,400కు చేరువైంది. 41,162 మంది కన్నుమూశారు.
రష్యాలో కొత్తగా వైరస్ సోకినవారి సంఖ్య 8987గా ఉంది. బాధితుల సంఖ్య 5,11,400 దాటింది. మరణాల సంఖ్య 6,715గా ఉంది.