ప్రపంచవ్యాప్తంగా 93లక్షల 54వేలు దాటిన కరోనా కేసులు

ప్రపంచవ్యాప్తంగా కరోనా కేసులు రికార్డ్​ స్థాయిలో నమోదవుతున్నాయి. ఇప్పటివరకు కేసుల సంఖ్య 93లక్షల 54వేలు దాటింది. మహమ్మారి కారణంగా మరణించిన వారి సంఖ్య 4లక్షల 80వేలకు చేరువైంది. 50లక్షల 41వేల మందికి పైగా వైరస్​ నుంచి కోలుకున్నారు. లాటిన్​ అమెరికా, కరేబియన్​ ప్రాంతాల్లో మరణాల సంఖ్య లక్ష దాటింది.

కరోనా మహమ్మారి వ్యాప్తి ప్రపంచవ్యాప్తంగా అంతకంతకూ ఉద్ధృతమవుతోంది. ఇప్పటి వరకు 93లక్షల 54వేల 326 మంది వైరస్ బారినపడ్డారు. 4లక్షల 79వేల 816మందిని మహమ్మారి బలిగొంది. 50లక్షల 41వేల813 మంది వైరస్​ నుంచి కోలుకున్నారు. వైరస్​ ప్రభావం అధికంగా ఉన్న లాటిన్​ అమెరికా, కరేబియన్​ దేశాల్లో మరణాల సంఖ్య లక్ష దాటినట్లు గణాంకాలు వెల్లడించాాయి.

కరోనా దెబ్బకు అతలాకుతలమైన అగ్రరాజ్యం అమెరికాలో కేసుల సంఖ్య 24లక్షల 24వేలు దాటింది. లక్షా 23వేల మందికిపైగా ప్రాాణాలు కోల్పోయారు. వైరస్​ ఉగ్రరూపం దాల్చుతున్న బ్రెజిల్​లో బాధితుల సంఖ్య 11లక్షల 51వేలు దాటగా.. మృతుల సంఖ్య 53వేలకు చేరువలో ఉంది.

మాస్కు లేకపోతే 25 డాలర్లు ఫైన్​..

కరోనా కేసుల సంఖ్యను కట్టడి చేసేందుకు మాస్కులు ధరించడాన్ని తప్పనిసరి చేసింది అమెరికా దక్షిణ కరోలినాలోని గ్రీన్​విల్లే నగరం. రెస్టారెంట్లు, రిటైల్​ స్టోర్లు, సెలూన్లు, సూపర్​ మార్కెట్లలోని సిబ్బంది కచ్చితంగా మాస్కులు ధరించేలా నిబంధనలను అమలు చేసింది. సూపర్​ మార్కెట్లు, మెడికల్ షాపులకు వెళ్లే వారాకి తప్పనిరిగా మాస్కులు ఉండాలి. ఈ నిబంధనలను అతిక్రమిస్తే 25డాలర్ల వరకు జరిమానా విధిస్తామని అధికారులు తెలిపారు.

	దేశం	కేసులు	మరణాలు
1	అమెరికా	24,24,168	123,473
2	బ్రెజిల్​	11,51,479	52,771
3	రష్యా	5,99,705	8,359
4	భారత్​	4,56,183	14,476
5	బ్రిటన్	3,06,210	42,927
6	స్పెయిన్	2,93,832	28,325
7	పెరు	2,60,810	8,404
8	చిలీ	2,50,767	4,505
9	ఇటలీ	2,38,833	34,675
10	ఇరాన్​	2,09,970	9,863