కరోనా పంజా: 'కోటి'కి చేరువలో కేసులు

ప్రపంచ దేశాలపై కరోనా మహమ్మారి కరాళ నృత్యం చేస్తోంది. రోజు రోజుకు కేసుల సంఖ్య విపరీతంగా పెరిగిపోతోంది. మొత్తం కేసుల సంఖ్య కోటికి చేరువైంది. మరణాలు 5 లక్షలకు చేరువలో ఉన్నాయి.

కొవిడ్​-19 మహమ్మారి విజృంభణతో ప్రపంచ దేశాలు విలవిల్లాడుతున్నాయి. రోజు రోజుకు వేల సంఖ్యలో కేసులు నమోదవుతున్నాయి. కేసుల పరంగా అమెరికా, బ్రెజిల్​, రష్యా, భారత్​ తొలి నాలుగు స్థానాల్లో ఉన్నాయి. ప్రపంచవ్యాప్తంగా మొత్తం కేసుల సంఖ్య కోటికి చేరువైంది. 4.91 లక్షల మందికిపైగా ప్రాణాలు కోల్పోయారు. 52.50 లక్షల మందికిపైగా వైరస్​ నుంచి కోలుకున్నారు.

వైరస్​కు పుట్టినిల్లు అయిన చైనాలో కొత్త కేసుల నమోదు అత్యల్పంగా ఉన్నట్లు ఆ దేశ ఆరోగ్య శాఖ వెల్లడించింది. బీజింగ్​ సహా ఇతర నగరాల్లో పెద్ద ఎత్తున పరీక్షలు నిర్వహిస్తున్నప్పటికీ గురువారం 13 కొత్త కేసులు మాత్రమే నమోదైనట్లు తెలిపింది. అందులో 11 బీజింగ్​లో నమోదయ్యాయి. ఇందులో ఇద్దరు విదేశీయులు. కొత్తగా మరణాలు సంభవించలేదని, ప్రస్తుతం 398 మంది చికిత్స పొందుతున్నట్లు స్పష్టం చేసింది చైనా ఆరోగ్య శాఖ.

వివిధ దేశాల్లో కరోనా కేసుల వివరాలు

ఇదీ చూడండి: మానసిక రోగిపై తండ్రీకొడుకుల అత్యాచారం!