38 మందితో వెళ్తున్న సైనిక విమానం అదృశ్యం

చిలీ వైమానిక దళానికి చెందిన సీ-130 విమానం కనిపించకుండా పోయింది. పుంటా ఏరినాస్​ నగరం నుంచి బయలుదేరిన విమానంతో... అంటార్కిటక్​కు వెళ్లే మార్గంలో సంబంధాలు తెగిపోయాయి.

చిలీ వైమానిక దళానికి చెందిన విమానం అదృశ్యమైంది. అందులో 38మంది ఉన్నట్లు అధికారులు తెలిపారు.

స్థానిక కాలమానం ప్రకారం సీ-130 విమానం నిన్న సాయంత్రం 4.55గంటలకు పుంటా ఏరినాస్​ నగరం నుంచి బయలుదేరింది. అంటార్కిటిక్​కు వెళ్తున్నమార్గంలో ఆ విమానంతో సంబంధాలు తెగిపోయినట్లు వైమానిక దళ అధికారులు వెల్లడించారు. ఆచూకీ కనుగొనేందుకు ప్రత్యేక ఆపరేషన్​ చేపట్టినట్లు తెలిపారు.

ఇదీ చూడండి : శరణార్థులకు పౌరసత్వం.. సవరణ బిల్లుకు లోక్​సభ ఆమోదం