దేశ మాజీ అధ్యక్షుడికి టీవీ యాంకర్​ ఉద్యోగం!

బొలీవియా అధ్యక్షుడిగా రాజీనామా చేసిన ఎవో మోరల్స్​కు రష్యా అద్భుత ఆఫర్​ ఇచ్చింది. 'ఆర్​టీ' ఛానల్​లో న్యూస్​ ప్రెజెంటర్​గా ఉద్యోగం కల్పిస్తామని ప్రకటించింది. ప్రస్తుతం ఈ వార్త ప్రపంచ దేశాల్లో చర్చనీయాంశంగా మారింది.

ప్రతిపక్షాల ఒత్తిడితో బొలీవియా అధ్యక్ష పదవికి రాజీనామా చేశారు ఎవో మోరల్స్​. ఈ సందర్భంగా ఆయనకు రష్యా ఓ బంపర్​ ఆఫర్​ ప్రకటించింది. టీవీ ఛానల్​ 'ఆర్​టీ'లో న్యూస్​ ప్రెజెంటర్​గా ఉద్యోగం కల్పిస్తామని తెలిపింది.

ఈ మేరకు సామాజిక మాధ్యమం టెలిగ్రామ్​ ద్వారా తన ప్రతిపాదనను వెల్లడించారు ఆర్​టీ ఛానల్​ సారథి మార్గరీట సిమోన్యన్​.

"ఆర్​టీ ఛానల్​ స్పానిష్​ భాషలో న్యూస్​ ప్రెజెంటర్​గా మోరల్స్​కు అద్భుతమైన ఉద్యోగ ఆఫర్​ ఇస్తున్నాను. ఈక్వెడార్​ మాజీ అధ్యక్షుడు రాఫెల్​ కొరియా ఒక సంవత్సరానికి పైగా ఆర్​టీ​ స్పానిష్​ భాషలో రాజకీయ చర్చా కార్యక్రమానికి హోస్ట్​గా ఉన్నారు."

- మార్గరీట సిమోన్యన్​, ఆర్​టీ ఛానల్​ అధినేత

ఈ ఛానల్​లో వికీలీక్స్​ వ్యవస్థాపకుడు జులియన్​ అసాంజ్​, బ్రిటన్​ మాజీ ఎంపీ జార్జ్​ గాలోవే హోస్ట్​గా వ్యవహరించారు.

ఒత్తిడితో..

బొలీవియాకు సుదీర్ఘ కాలంగా అధ్యక్షుడిగా సేవలందించారు మోరల్స్​. ఇటీవల జరిగిన ఎన్నికల్లో తిరిగి గెలుపొందగా... ఆ దేశంలో మూడు వారాల పాటు పెద్ద ఎత్తున ఆందోళనలు జరిగాయి. అధ్యక్షుడికి ఆ దేశ సైన్యం, పోలీసులు కూడా మద్దతు ఉపసంహరించుకున్న నేపథ్యంలో ఆదివారం రాజీనామా చేశారు మోరల్స్​.

ఇదీ చూడండి:బ్రిటన్​ రాణి​ ఎలిజిబెత్​ 'రహస్య ప్రేమ'పై దుమారం!