కరోనాను అడ్డుకొనే సత్తా 'ఫేస్ ​షీల్డ్'​కు ఉందా?

కరోనా వేళ.. మాస్క్​లతో పాటు ఫేస్​షీల్డ్​లకు డిమాండ్​ పెరిగింది. కరోనాను ఫేస్​షీల్డ్ సమర్థంగా ఎదుర్కోగలదని చాలామంది భావిస్తున్నారు. అయితే అందులో నిజం ఎంత? కరోనాను నిజంగానే ఫేస్​షీల్డ్​ అడ్డుకోగలదా? శాస్త్రవేత్తలు ఏం అంటున్నారు?

కరోనా బారిన పడకుండా ఉండేందుకు ప్రతి ఒక్కరూ మాస్క్​లను ఉపయోగిస్తున్నారు. వీటితో పాటు ఫేస్​షీల్డ్​లను కూడా వినియోగిస్తున్నారు. అయితే మాస్క్​కు బదులు షీల్డ్​ వాడకం ఎంత వరకు మేలు? వాటిని వినియోగించడం వల్ల దరిచేరదా?

ఈ నేపథ్యంలో దీనిపై వైద్య నిపుణులు స్పష్టతనిచ్చారు. వైరస్​ సోకకుండా ఈ ఫేస్​షీల్డ్​ నివారించగలుగుతాయని ఎక్కడా కూడా శాస్త్రీయంగా నిరూపితం కాలేదని చెబుతున్నారు. అయితే చాలా మంది మాస్క్​కు బదులు షీల్డ్​ను ఉపయోగించటానికే మొగ్గు చూపుతున్నట్లు చెప్పుకొచ్చారు.

కంటికి రక్షణగా ఉండటం సహా ముఖాన్ని ముట్టుకోకుండా ఇది అడ్డుగా నిలుస్తుందనే కారణం వల్ల ఈ ఫేస్​షీల్డ్​లను ఉపయోగిస్తున్నారని జాన్స్ హాప్​కిన్స్ ఆస్పత్రిలోని బయోకంటైన్మెంట్ యూనిట్ ప్రాజెక్ట్ అడ్మినిస్ట్రేటర్ క్రిస్టోఫర్ సుల్మోంటే చెప్పారు.

ఆ మాస్కులు శుభ్రపరచండి

పునర్వినియోగించేందుకు వీలున్న మాస్కుల విషయంలో వాటిని శుభ్రపరచటమే ఎంతో ముఖ్యమని అమెరికా అంటువ్యాధుల నియంత్రణ, నివారణ కేంద్రం వెల్లడించింది. వాటిని తొలగించే సమయంలో ముఖాన్ని తాకకూడదని, అలాగే తీసిన తర్వాత చేతులను శుభ్రం చేసుకోవాలని సూచించింది.

ఇదీ చూడండి:సీఎం సంతకం ఫోర్జరీ.. నిందితుల అరెస్టు