కరోనా కేసుల్లో రెండో స్థానానికి బ్రెజిల్​

కరోనా కేసుల సంఖ్యలో రష్యాను దాటిపోయింది బ్రెజిల్. దేశంలో 3 లక్షల 30వేల కేసులకు పైగా నమోదవగా.. మృతుల సంఖ్య 21 వేలు దాటింది. దీంతో కరోనా కేసుల్లో ప్రపంచంలోనే రెండో స్థానంలో నిలిచింది.

బ్రెజిల్​లో కరోనా మహమ్మారి విజృంభిస్తోంది. కరోనా కేసుల్లో రష్యాను దాటి ప్రపంచంలోనే రెండో స్థానానికి చేరింది బ్రెజిల్​.

​లాటిన్ అమెరికా దేశాల్లో కరోనాతో అత్యధికంగా ప్రభావితమైన దేశం బ్రెజిల్. శుక్రవారం నాటికి బ్రెజిల్​లో 3,30,890 కేసులు నమోదవడం వల్ల.. 3లక్షల 26వేల కేసులున్న రష్యా మూడోస్థానానికి చేరింది. అమెరికా 16 లక్షల 45వేల కేసులతో మొదటి స్థానంలో ఉంది.

బ్రెజిల్​లో కేవలం 24 గంటల్లో 1,001 మరణాలు సంభవించాయి. దీంతో మొత్తం మరణాల సంఖ్య 21వేలు దాటింది.

ఓవైపు కేసుల సంఖ్య పెరుగుతున్నా.. కొద్ది రోజుల్లో దుకాణాలను తెరిచేందుకు అనుమతించారు రియో డి జనీరో నగర మేయర్​. సావో పాలోలోనూ వ్యాపార కార్యకలాపాలు పునఃప్రారంభానికి సిద్ధమైంది అక్కడి ప్రభుత్వం. అయితే రోజు రోజుకూ పెరుగుతున్న కేసుల సంఖ్య, మరణాలను చూసి.. లాక్​డౌన్​ సడలించాలా వద్దా అనే సందిగ్ధంలో పడ్డాయి బ్రెజిల్​ నగరాలు.

ఇదీ చదవండి:లాక్​డౌన్​ వేళ సంకెళ్లు తెంచుకున్న సృజన