అమెరికా హైవేపై దూసుకెళ్తున్న పడవలు

'బాంబ్'​ తుపాను వల్ల వరదలు ముంచెత్తి అమెరికాలోని పలు నగరాలు నీటమునిగాయి. రహదారులు పూర్తిగా జలమయమయ్యాయి. తక్షణ సహాయక చర్యలు చేపట్టిన అధికారులు ప్రజలను సురక్షిత ప్రాంతాలకు తరలిస్తున్నారు.

అమెరికాను 'బాంబ్'​ తుపాను వణికిస్తోంది. ఎడతెగని వర్షాలతో వరదలు ముంచెత్తి కొలరాడో, నెబ్రాస్కా, మిస్సోరీ, లోవా, దక్షిణ డకోటా తదితర ప్రాంతాలు నీటమునిగాయి.

మధ్యపశ్చిమ ప్రాంతాల్లో గంటకు 80 కిలోమీటర్ల వేగంతో పెనుగాలులు వీచే అవకాశం ఉందని అధికారులు హెచ్చరించారు.

నెల రోజుల వ్యవధిలో రెండోసారి వచ్చిన తుపానుతో దక్షిణ డకోటా​లో విద్యుత్​ సరఫరా నిలిచిపోయింది. కొలరాడో నుంచి మిన్నెసోటా మధ్య రహదారులు నీట మునిగాయి. ఫలితంగా వాహనాలు భారీగా నిలిచిపోయి, ప్రయాణికులు తీవ్ర ఇబ్బందులు ఎదుర్కొంటున్నారు.

కోర్​వాలిస్​లో ఓరేగాన్​ హైవే పాక్షికంగా మూతపడింది. జలమయం అయిన రహదారిపై మరబోట్లు దూసుకెళ్తున్న దృశ్యాలు... సామాజిక మాధ్యమాల్లో వైరల్​ అయ్యాయి.

తుపాను కారణంగా కొన్ని బిలియన్ డాలర్ల మేర ఆర్థికనష్టం వాటిల్లి ఉంటుందని అధికారులు అంచనా వేస్తున్నారు. ఎలాంటి ప్రాణ, ఆస్తినష్టం జరగకుండా కట్టుదిట్టమైన చర్యలు చేపడుతున్నారు.

ఇదీ చూడండి: రాయ్​బరేలీ నుంచి సోనియా గాంధీ నామినేషన్