కరోనా నిబంధనలు ఉల్లంఘించి పలుమార్లు విమర్శలపాలైనబ్రెజిల్ అధ్యక్షుడు జైర్ బొల్సొనారో.. తాజాగా మరోసారి కొవిడ్ ఆంక్షలను పక్కనపెట్టారు. సావో పాలో నగరంలో బైకర్లు నిర్వహించిన ఓ కార్యక్రమానికి హాజరైన ఆయన మాస్కు ధరించలేదు. దాంతో స్థానిక అధికారులు ఆయనకు జరిమానా విధించారు.
టీకా తీసుకుంటే అక్కర్లేదు..!
బైక్ ఎక్కిన ఆయన హెల్మెట్ను అయితే ధరించారు. కానీ, మాస్కును ధరించడానికి మాత్రం నిరాకరించారు. పైగా.. 'టీకా తీసుకున్న వారికి మాస్కుతో పని లేదు' అని చెప్పారు. మాస్కు ధరించనందుకు బొల్సొనారోకు 110 డాలర్ల జరిమానాను విధించారని సావో పాలో ప్రభుత్వానికి చెందిన మీడియా తెలిపింది. అయితే దీనిపై బొల్సొనారో కార్యాలయం మాత్రం స్పందించలేదు.
గత నెలలోనూ.. మారన్‌హవో రాష్ట్రంలో జరిగిన ఓ కార్యక్రమంలో పాల్గొని మాస్కు ధరించనందుకు బొల్సొనారోకు అక్కడి అధికారులు జరిమానా విధించారు.